Nayanthara's Wedding Documentary on Netflix Amid Dhanush Controversy

നയന്താരയുടെ പിറന്നാള് ദിനത്തില് അവരുടെ വിവാഹ ഡോക്യുമെന്ററി നെറ്റ്ഫ്ലിക്സില് സ്ട്രീമിംഗ് ആരംഭിച്ചു. ഗൗതം വാസുദേവ് മേനോന് സംവിധാനം ചെയ്ത ഈ ഡോക്യുമെന്ററി വിവാദങ്ങള്ക്കിടയിലാണ് പുറത്തിറങ്ങുന്നത്. ‘നാനും റൗഡി താന്’ സിനിമയുടെ അണിയറദൃശ്യങ്ങള് ഉള്പ്പെടുത്തിയതാണ് വിവാദത്തിന് കാരണമായത്. ഈ ദൃശ്യങ്ങള് ഉപയോഗിച്ചതിനെതിരെ ധനുഷ് വക്കീല് നോട്ടീസ് അയച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2022-ല് വിവാഹിതരായ നയന്താരയുടെയും വിഘ്നേഷ് ശിവന്റെയും വിവാഹ വീഡിയോ രണ്ട് വര്ഷങ്ങള്ക്കിപ്പുറമാണ് പുറത്തുവന്നിരിക്കുന്നത്. ഡോക്യുമെന്ററിയില് സെറ്റില് വിഘ്നേഷ് താരങ്ങള്ക്ക് നിര്ദേശം നല്കുന്നതും നയന്താരയോട് സംസാരിക്കുന്നതും കാണാനാകും. നവംബര് 16-ന് നയന്താര ധനുഷിനെതിരെ പരസ്യമായി രംഗത്ത് എത്തി. ‘നാനും റൗഡി താന്’ സിനിമയിലെ ദൃശ്യങ്ങള് ഉപയോഗിക്കാന് ധനുഷ് അനുമതി നല്കിയില്ലെന്ന് നയന്താര ആരോപിച്ചു.

നയന്താര സമൂഹ മാധ്യമങ്ങളില് പോസ്റ്റ് ചെയ്ത തുറന്ന കത്തില് ധനുഷിനെതിരെ ഗുരുതര ആരോപണങ്ങള് ഉന്നയിച്ചു. ധനുഷ് വൈരാഗ്യ ബുദ്ധിയോടെ പെരുമാറുന്ന ആളാണെന്നും ആരാധകര്ക്ക് മുന്നില് കാണിക്കുന്ന നിഷ്കളങ്ക മുഖമല്ല അദ്ദേഹത്തിന് ഉള്ളതെന്നും നയന്താര വ്യക്തമാക്കി. മൂന്ന് സെക്കന്റ് മാത്രമുള്ള ബിടിഎസ് വീഡിയോ ഉപയോഗിച്ചതിന് 10 കോടിയുടെ നഷ്ടപരിഹാരം ആവശ്യപ്പെട്ട് ധനുഷ് കോടതിയെ സമീപിച്ചതായും നയന്താര വെളിപ്പെടുത്തി. 2015-ല് റിലീസ് ചെയ്ത ‘നാനും റൗഡി താന്’ എന്ന ചിത്രത്തിലാണ് വിഘ്നേഷും നയന്താരയും ആദ്യമായി ഒന്നിച്ചത്.