ദേശീയ ഗെയിംസിൽ പോൾ വോൾട്ടിൽ പുതിയ ദേശീയ റെക്കോർഡ് മധ്യപ്രദേശ് താരം ദേവ് മീണ 38-ാമത് ദേശീയ ഗെയിംസിൽ പോൾ വോൾട്ടിൽ പുതിയ ദേശീയ റെക്കോർഡ് സ്ഥാപിച്ചു. 5. 32 മീറ്റർ ഉയരം കടന്ന് അദ്ദേഹം ഈ നേട്ടം കൈവരിച്ചു. ശിവ സുബ്രഹ്മണ്യത്തിന്റെ 5. 31 മീറ്റർ എന്ന മുൻ റെക്കോർഡാണ് ദേവ് മീണ മറികടന്നത്. 2022-ലാണ് ശിവ സുബ്രഹ്മണ്യം ഈ റെക്കോർഡ് സ്ഥാപിച്ചത്. മൂന്നാം ശ്രമത്തിലാണ് ദേവ് മീണ ഈ ചരിത്ര നേട്ടം കൈവരിച്ചത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
ഇതുവരെ അദ്ദേഹത്തിന്റെ മികച്ച ഉയരം 5. 20 മീറ്റർ മാത്രമായിരുന്നു. 2024-ലെ അണ്ടർ 20 ഏഷ്യൻ അത്ലറ്റിക് ചാമ്പ്യൻഷിപ്പിൽ വെങ്കല മെഡൽ നേടിയ താരമാണ് ദേവ് മീണ. അണ്ടർ 20 ഏഷ്യൻ അത്ലറ്റിക് ചാമ്പ്യൻഷിപ്പിൽ പോൾ വോൾട്ടിൽ മെഡൽ നേടുന്ന ആദ്യ ഇന്ത്യക്കാരനാകുകയും ചെയ്തു.
