N Prasanth IAS slams Chief Secretary over Passport NOC Delay

ചീഫ് സെക്രട്ടറി എ. ജയതിലകിനെതിരെ വീണ്ടും ഫേസ്ബുക്ക് പോസ്റ്റുമായി രംഗത്തെത്തിയിരിക്കുകയാണ് ഐ.എ.എസ് ഉദ്യോഗസ്ഥനായ എൻ. പ്രശാന്ത്. പാസ്പോർട്ട് പുതുക്കുന്നതിന് അപേക്ഷ നൽകിയിട്ട് മാസങ്ങൾ കഴിഞ്ഞിട്ടും എൻ.ഒ.സി നൽകുന്നില്ലെന്നാണ് അദ്ദേഹം ആരോപിക്കുന്നത്. ഇത് ക്രിമിനൽ மனോഭാവത്തോടെയുള്ള ഉപദ്രവമാണെന്നും പ്രശാന്ത് ആരോപിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാസ്പോർട്ട് പുതുക്കുന്നതിന് മാസങ്ങൾക്ക് മുൻപ് അപേക്ഷ നൽകിയിട്ടും ചീഫ് സെക്രട്ടറി എൻ.ഒ.സി തരാത്തതിനാലാണ് കൊളംബോയിൽ വെച്ചുള്ള തൻ്റെ സ്കൂൾ റീയൂണിയനിൽ പങ്കെടുക്കാൻ സാധിക്കാതെ പോയതെന്ന് പ്രശാന്ത് തൻ്റെ ഫേസ്ബുക്ക് പോസ്റ്റിൽ പറയുന്നു. എല്ലാ സർക്കാർ ജീവനക്കാർക്കും പാസ്പോർട്ട് പുതുക്കാൻ ഇത് നിർബന്ധമാണ്. തന്റെ പാർട്ട് ടൈം പി.എച്ച്.ഡി പഠനത്തിനുള്ള എൻ.ഒ.സി അപേക്ഷയും ഇതേ അവസ്ഥയിലാണെന്നും അദ്ദേഹം കൂട്ടിച്ചേർത്തു.

ജൂലൈ 2-ന് ഒരു ഐ.എ.എസ് സഹപ്രവർത്തകൻ മുഖാന്തരം ജയതിലകിന് നേരിട്ട് അപേക്ഷ നൽകിയിട്ടും നടപടിയുണ്ടായില്ല. തൻ്റെ കീഴുദ്യോഗസ്ഥർക്ക് 30 സെക്കൻഡിനുള്ളിൽ NOC നൽകിയിട്ടുണ്ടെന്നും അദ്ദേഹം കൂട്ടിച്ചേർത്തു. വിഷയത്തിൽ മുതിർന്ന ഐ.എ.എസ് ഓഫീസറുടെ മാനസിക നിലവാരത്തെക്കുറിച്ച് കൂടുതൽ പറയുന്നില്ലെന്നും പ്രശാന്ത് സൂചിപ്പിച്ചു.

മാർച്ച് 9-ന് സമർപ്പിച്ച പി.എച്ച്.ഡി ഗവേഷണത്തിനായുള്ള എൻ.ഒ.സി അപേക്ഷയ്ക്കും ഇതുവരെ മറുപടി ലഭിച്ചിട്ടില്ല. തന്റെ പ്രോപ്പർട്ടി റിട്ടേൺസ്, മറ്റ് സ്റ്റേറ്റ്മെന്റുകൾ എന്നിവയുടെ അക്നോളജ്മെന്റോ സ്വീകരിച്ചതായുള്ള രേഖയോ ഇതുവരെ ലഭിച്ചിട്ടില്ല. വിവരാവകാശ അപേക്ഷകൾക്ക് ലഭിക്കുന്ന മറുപടികൾ തെറ്റായതും വഴിതെറ്റിക്കുന്നതുമാണ്.

സംഗീതത്തിന്റെ മാസ്മരിക ലോകം തീർത്ത് ഫ്ളവേഴ്സ് മ്യൂസിക്കൽ അവാർഡ്സ് 2025 കോഴിക്കോട്

ഇത് വെറും ബ്യൂറോക്രസി കളിയല്ലെന്നും ക്രിമിനൽ மனോഭാവത്തോടെയുള്ള ഉപദ്രവമാണെന്നും പ്രശാന്ത് ആരോപിക്കുന്നു. രേഖകൾ നീക്കം ചെയ്യുന്നതും ഔദ്യോഗിക ഫയലുകളിൽ തിരിമറി നടത്തുന്നതും കുറ്റകരമാണ്. സമയത്തിന് അപേക്ഷകളിൽ തീർപ്പുകൽപ്പിക്കാത്തത് ചട്ടങ്ങളുടെ ലംഘനമാണ്.

ഈ പക എന്തിനാണെന്ന് ഓർക്കണം, പട്ടികജാതി-പട്ടികവർഗ്ഗ വികസന ഫണ്ടുകളിലെ അഴിമതി വെളിപ്പെടുത്തി ഫയൽ നോട്ട് എഴുതാൻ ധൈര്യം കാണിച്ചതിന്. നീതിബോധമുള്ള ഒരാളെങ്കിലും സിസ്റ്റത്തിനുള്ളിൽ ഉണ്ടാകുമെന്നു വിശ്വസിച്ച് പലതവണ കത്തുകൾ നൽകി കാത്തിരുന്നുവെന്നും അദ്ദേഹം കൂട്ടിച്ചേർത്തു. നിയമവിദ്യാർത്ഥി എന്ന നിലയിൽ ഇന്ത്യൻ ഭരണഘടനയുടെ ശക്തിയിൽ വിശ്വസിക്കുന്നുവെന്നും ഗൂഢാലോചനയിൽ പങ്കെടുത്തവരെ നിയമത്തിനു മുന്നിൽ കൊണ്ടുവരുമെന്നും പ്രശാന്ത് തൻ്റെ പോസ്റ്റിൽ പറയുന്നു.

Story Highlights : n prasanth ias fb post againts a jayathilak

വാഹനലോകം അടുത്തറിയാൻ; കെഎസ്ആർടിസി ട്രാൻസ്പോ എക്സ്പോ ഒരുക്കുന്നു