കേരളത്തിലെ ആദ്യതാലിബാൻ തലവനായിരുന്നു വാരിയംകുന്നത്ത് കുഞ്ഞഹമ്മദ് ഹാജിയെന്ന എ പി അബ്ദുള്ളക്കുട്ടിയുടെ പ്രസ്താവനയ്ക്ക് മറുപടി നൽകിക്കൊണ്ട് സിപിഐഎം കണ്ണൂര്‍ ജില്ലാ സെക്രട്ടറി എം വി ജയരാജന്‍.
അവര്‍ ആദ്യം ബ്രിട്ടീഷ് സേവ നടത്തി, പിന്നീട് ഗാന്ധിജിയെ കൊലപ്പെടുത്തി, കയ്യൂരിനെ തള്ളിപ്പറഞ്ഞു, ഇപ്പോഴോ വാരിയംകുന്നനെ താലിബാനാക്കിയിരിക്കുന്നു. ഇനി എകെജി ആകുമോ എന്നായിരുന്നു എംവി ജയരാജന്റെ പ്രതികരണം.
1921ലെ മലബാര്‍ കലാപം സ്വാതന്ത്ര്യസമരം അല്ലെങ്കില്‍പ്പിന്നെ 2002ലെ ഗുജറാത്ത് വംശഹത്യയാണോ സ്വാതന്ത്ര്യസമരമെന്നും എംവി ജയരാജന്‍ ചോദിച്ചു.
കേരളത്തിലെ ആദ്യത്തെ താലിബാന്റെ തലവനായിരുന്നു വാരിയംകുന്നത്ത് കുഞ്ഞഹമ്മദ് ഹാജിയെന്നും സ്മാരകം നിർമ്മിക്കുന്നത് സ്വാതന്ത്ര്യ സമരമെന്ന പേരിൽ കൊട്ടിഘോഷിക്കുന്നത് ചരിത്രത്തോട് കാട്ടുന്ന ക്രൂരതയാണെന്നുമായിരുന്നു ബിജെപി ദേശീയ വൈസ് പ്രസിഡന്റ് എ പി അബ്ദുള്ളക്കുട്ടിയുടെ വിവാദ പ്രസ്താവന.
Story highlight : MV Jayarajan responds to Abdullakutty’s statement.
