Muslim League Leader Attacks Home Guard for Photographing Illegal Parking

കമ്പളക്കാട് പൊലീസ് സ്റ്റേഷനിലെ ഹോംഗാർഡ് ടി.പി. ജെയിംസിനെ മുസ്ലീംലീഗ് നേതാവ് ക്രൂരമായി മർദ്ദിച്ച സംഭവം വൈറലായി. കണിയാമ്പറ്റ മുസ്ലീംലീഗ് പഞ്ചായത്ത് പ്രസിഡന്റ് വി.പി. ഷുക്കൂറാണ് നടുറോഡിൽ വച്ച് ഹോംഗാർഡിനെ ആക്രമിച്ചത്. അനധികൃത പാർക്കിങ്ങിന്റെ ഫോട്ടോയെടുത്തതാണ് ആക്രമണത്തിന് കാരണമായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രാവിലെ ഒമ്പതരയോടെ കമ്പളക്കാട് മുത്തൂറ്റ് ഫിനാൻസിന് മുമ്പിലായിരുന്നു സംഭവം. നോ പാർക്കിങ് മേഖലയിൽ വാഹനം നിർത്തിയിട്ടത് ഫോട്ടോയെടുത്തതിനാണ് ഹോംഗാർഡ് ആക്രമിക്കപ്പെട്ടത്. ഹെൽമറ്റ് ഉപയോഗിച്ചുള്ള മർദ്ദനത്തിൽ ജെയിംസിന്റെ മുഖത്തിന് പരിക്കേറ്റു. മുൻവശത്തെ പല്ലുകൾ ഇളകി ചുണ്ടുകൾ പൊട്ടിയ നിലയിൽ അദ്ദേഹത്തെ കൽപ്പറ്റ ജനറൽ ആശുപത്രിയിൽ പ്രവേശിപ്പിച്ചു.

ടൗണിൽ ഗതാഗത തടസമുണ്ടാക്കുംവിധം ബൈക്ക് നിർത്തിയിട്ടത് ഫോട്ടോ എടുത്തതാണ് പ്രകോപനമുണ്ടാക്കിയത്. ഫോട്ടോ എടുത്തതിന്റെ പേരിൽ പിഴവന്നാൽ സമാധാനത്തിൽ ജോലിചെയ്യാൻ അനുവദിക്കില്ലെന്ന് ഭീഷണിമുഴക്കി മർദ്ദിക്കുകയായിരുന്നു മുസ്ലീംലീഗ് നേതാവ്. ഈ സംഭവം നാട്ടിൽ വലിയ ചർച്ചയായി മാറിയിരിക്കുകയാണ്.

വനിതകൾക്കും ന്യൂനപക്ഷങ്ങൾക്കും പ്രാധാന്യം; ലീഗ് ദേശീയ കൗൺസിൽ യോഗം

Story Highlights: Muslim League leader attacks home guard for photographing illegal parking in Kambalakattu, Kerala

തപാൽ വോട്ടിന്റെ വിവാദ പ്രസ്താവന തിരുത്തി ജി. സുധാകരൻ