Munambam Protest: Political Parties Clash as Stir Enters 28th Day

മുനമ്പം സമരം 28 ദിവസത്തിലേക്ക് കടക്കുന്ന വേളയിലാണ് ഭരണ-പ്രതിപക്ഷ മുന്നണികൾ തമ്മിൽ പരസ്പരം പഴിചാരുന്നത്. പ്രതിപക്ഷ നേതാവ് വി.ഡി. സതീശൻ മുഖ്യമന്ത്രിയെ കുറ്റപ്പെടുത്തി. 10 മിനിറ്റ് കൊണ്ട് തീർക്കാവുന്ന പ്രശ്നം മുഖ്യമന്ത്രി മനഃപൂർവം വഷളാക്കിയെന്നും സംഘപരിവാർ അജണ്ടയ്ക്ക് കുടപിടിക്കുന്നുവെന്നും അദ്ദേഹം ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിപിഐ സംസ്ഥാന സെക്രട്ടറി ബിനോയ് വിശ്വം കോൺഗ്രസിനെയും ബിജെപിയെയും വിമർശിച്ചു. മുനമ്പത്ത് സ്പർധ വളർത്താൻ കോൺഗ്രസും ബിജെപിയും ഒരുമിച്ചാണ് തന്ത്രങ്ങൾ മെനയുന്നതെന്ന് അദ്ദേഹം പറഞ്ഞു. ബിജെപിയെ ഭയന്ന് ലീഗിന്റെ കൊടിയുയർത്താൻ മടിച്ചവരാണ് കോൺഗ്രസെന്നും കോൺഗ്രസ് ബാബറി മസ്ജിദ് പൊളിക്കാൻ കൂട്ടുനിന്ന കാര്യം മുസ്ലീം സമൂഹം മറന്നിട്ടില്ലെന്നും അദ്ദേഹം കൂട്ടിച്ചേർത്തു.

സമരത്തിന് പിന്തുണയർപ്പിച്ച് എത്തിയ വൈദികരെ അധിക്ഷേപിച്ച വഖഫ് മന്ത്രിക്ക് സിറോ മലബാർ സഭ മേജർ ആർച്ച് ബിഷപ്പ് മാർ റഫേൽ തട്ടിൽ മറുപടി നൽകി. സമരത്തെ പിന്തുണയ്ക്കാത്തവർ ഒറ്റുകാരാകുമെന്ന് അദ്ദേഹം പറഞ്ഞു. നാളെ കത്തോലിക്ക കോൺഗ്രസിന്റെ നേതൃത്വത്തിൽ മുനമ്പം സമരത്തോട് ഐക്യപ്പെട്ടുകൊണ്ടുള്ള പ്രതിജ്ഞ ചൊല്ലൽ നടത്തുമെന്നും അദ്ദേഹം വ്യക്തമാക്കി. 28-ാം തീയതിയാണ് മുഖ്യമന്ത്രി വിളിച്ച ഉന്നതതല യോഗം ചേരുക.