Judicial Commission to Examine Munambam Land Ownership Rights

മുനമ്പം ഭൂമി പ്രശ്നത്തിൽ ഉടമസ്ഥാവകാശം പരിശോധിക്കാൻ ജുഡീഷ്യൽ കമ്മീഷനെ നിയോഗിക്കാൻ സർക്കാർ തീരുമാനിച്ചു. മുഖ്യമന്ത്രി പിണറായി വിജയൻ വിളിച്ചുചേർത്ത ഉന്നതതല യോഗത്തിലാണ് ഈ നിർണായക തീരുമാനമുണ്ടായത്. ഹൈക്കോടതി മുൻ ആക്ടിങ് ചീഫ് ജസ്റ്റിസ് രാമചന്ദ്രൻ നായരെയാണ് കമ്മീഷനായി നിയോഗിച്ചിട്ടുള്ളത്. ഭൂമിയുടെ ഉടമസ്ഥാവകാശം സംബന്ധിച്ചും, ഉടമസ്ഥർക്ക് റവന്യൂ അധികാരം നഷ്ടപ്പെട്ടത് എങ്ങനെയെന്നും കമ്മീഷൻ പ്രധാനമായും പരിശോധിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യോഗത്തിൽ നിയമപരമായ വിഷയങ്ങൾ ഉൾപ്പെടെ പരിശോധിച്ചതായി മന്ത്രി പി രാജീവ് വാർത്താസമ്മേളനത്തിൽ വ്യക്തമാക്കി. നാല് പ്രധാന തീരുമാനങ്ങളാണ് യോഗത്തിൽ എടുത്തിട്ടുള്ളത്. അവിടെ താമസിക്കുന്ന കൈവശ അവകാശമുള്ള ഒരാളെയും ഒഴിപ്പിക്കില്ലെന്നും, ഇനി ഒരു തീരുമാനമാകും വരെ നോട്ടീസുകൾ ഒന്നും നൽക്കരുതെന്ന് വഖഫിനെ അറിയിച്ചതായും മന്ത്രി വെളിപ്പെടുത്തി.

ഈ നിർദ്ദേശങ്ങൾ വഖഫ് അംഗീകരിച്ചതായും മന്ത്രി സ്ഥിരീകരിച്ചു. ഭൂമി പ്രശ്നത്തിൽ സർക്കാർ സ്വീകരിച്ച നിലപാട് നിയമപരമായി ശരിയാണെന്ന് ഉറപ്പുവരുത്താനും, ബന്ധപ്പെട്ട എല്ലാ കക്ഷികളുടെയും താൽപര്യങ്ങൾ സംരക്ഷിക്കാനുമുള്ള ശ്രമമാണ് ഈ തീരുമാനങ്ങളിലൂടെ വ്യക്തമാകുന്നത്. ജുഡീഷ്യൽ കമ്മീഷന്റെ പരിശോധന വിഷയത്തിൽ കൂടുതൽ വ്യക്തത വരുത്തുമെന്ന് പ്രതീക്ഷിക്കപ്പെടുന്നു.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

Story Highlights: Judicial commission to be appointed to examine ownership rights in Munambam land issue

സ്വർണവിലയിൽ ഇടിവ്; പവന് 400 രൂപ കുറഞ്ഞു