Moto G 5G (2025) Features Leaked: Triple Camera, Snapdragon Chip

പ്രമുഖ സ്മാർട്ട്ഫോൺ ബ്രാൻഡായ മോട്ടോറോളയുടെ ഏറ്റവും പുതിയ മോഡലായ മോട്ടോ ജി 5ജി (2025) യുടെ സവിശേഷതകൾ ലോഞ്ചിന് മുൻപേ പുറത്തുവന്നു. ഫോൺ ക്യാമറ ഫീച്ചറുകളിൽ വലിയ മാറ്റങ്ങൾ ഉണ്ടാകുമെന്നാണ് ലീക്കുകൾ സൂചിപ്പിക്കുന്നത്. മുൻഗാമിയായ മോട്ടോ ജി 5ജി (2024) ൽ നിന്നും വ്യത്യസ്തമായി ഒരു ട്രിപ്പിൾ റിയർ ക്യാമറ സിസ്റ്റവുമായിട്ടാണ് പുതിയ മോഡൽ എത്തുന്നത്. സ്ക്വയർ ഷേപ്പ് മൊഡ്യൂളിൽ സ്ഥാപിച്ചിരിക്കുന്ന ഈ ക്യാമറയിൽ മൂന്ന് സെൻസറുകളും ഒരു എൽഇഡി ഫ്ലാഷും ഉണ്ടായിരിക്കുമെന്നാണ് സൂചന.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2025 മോഡൽ കാഴ്ചയിൽ മുൻ മോഡലുമായി സമാനതകൾ പുലർത്തുന്നുണ്ട്. ഡിസ്പ്ലേയുടെ മുകളിൽ നടുവിലായി ഫ്രണ്ട് ക്യാമറയും, വലത് വശത്ത് വോളിയം അഡ്ജസ്റ്റ് ബട്ടണും പവർ ബട്ടണും ഉണ്ടാകും. ഫോണിന്റെ താഴ്ഭാഗത്ത് 3.5 എംഎം ഹെഡ്ഫോൺ ജാക്കും യുഎസ്ബി ടൈപ്പ് സി പോർട്ടും കാണാൻ കഴിയും. 6.6 ഇഞ്ച് 120 ഹെർട്സ് എച്ച്ഡി+ എൽസിഡി ഡിസ്പ്ലേയാണ് ഫോൺ ഫീച്ചർ ചെയ്യുന്നത്.

ദുബായ് ആർടിഎയ്ക്ക് ഡിജിറ്റൽ മികവിന് മൂന്ന് അന്താരാഷ്ട്ര അവാർഡുകൾ

സ്നാപ്പ്ഡ്രാഗൺ 4 ജെൻ 1 ചിപ്സെറ്റാണ് ഫോണിന് കരുത്ത് പകരുന്നത്. 5000 എംഎഎച്ച് ബാറ്ററിയാണ് ഫോണിന്റെ പവർ ഹൗസ്. ഈ സവിശേഷതകളോടെ മോട്ടോ ജി 5ജി (2025) സ്മാർട്ട്ഫോൺ വിപണിയിൽ ശ്രദ്ധേയമായ സാന്നിധ്യമാകുമെന്ന് പ്രതീക്ഷിക്കുന്നു.