Clashes erupt during mosque survey in UP, two killed

ഉത്തർപ്രദേശിലെ സാംഭാലിൽ മസ്ജിദ് സർവേയുമായി ബന്ധപ്പെട്ട് ഉണ്ടായ സംഘർഷത്തിൽ രണ്ട് പേർ കൊല്ലപ്പെട്ടു. നിരവധി വാഹനങ്ങൾക്ക് തീയിട്ടതോടെ സ്ഥിതിഗതികൾ വഷളായി. സംഭവത്തിൽ പോലീസുകാർക്ക് പരിക്കേറ്റതായും റിപ്പോർട്ടുണ്ട്. ആക്രമണവുമായി ബന്ധപ്പെട്ടവരെ കസ്റ്റഡിയിൽ എടുത്തതായി പോലീസ് അറിയിച്ചു. നിലവിൽ സ്ഥിതിഗതികൾ ശാന്തമാണെന്ന് അധികൃതർ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷാഹി ജുമാ മസ്ജിദ് യഥാർത്ഥത്തിൽ ക്ഷേത്രമാണെന്ന് അവകാശപ്പെട്ട് സുപ്രീം കോടതി അഭിഭാഷകൻ വിഷ്ണു ശങ്കർ ജെയിൻ നൽകിയ ഹർജിയെ തുടർന്നാണ് സർവേ നടത്തിയത്. രണ്ടാം ഘട്ട സർവേക്കിടെയാണ് സംഘർഷമുണ്ടായത്. രാവിലെ ഏഴു മണി മുതൽ 11 മണി വരെ നടന്ന സർവേയ്ക്കിടെ മൂവായിരത്തോളം പേർ ചേർന്ന് ഉദ്യോഗസ്ഥർക്കെതിരെ കല്ലെറിയുകയായിരുന്നു. തുടർന്ന് പൊലീസ് ഇടപെട്ടു.

പൊലീസിന് നേരെ കല്ലേറും വീടിന്റെ മുകളിൽ നിന്ന് വെടിവെപ്പും ഉണ്ടായതായി റിപ്പോർട്ടുണ്ട്. സംഭവത്തിൽ സ്ത്രീകൾ ഉൾപ്പെടെ 18 പേരെ പൊലീസ് കസ്റ്റഡിയിലെടുത്തു. അക്രമങ്ങൾക്കിടയിലും സർവേയുടെ മുഴുവൻ പ്രക്രിയയും വീഡിയോഗ്രാഫ് ചെയ്ത് വിജയകരമായി പൂർത്തിയാക്കി. നവംബർ 29 ന് കമ്മീഷൻ റിപ്പോർട്ട് കോടതിയിൽ സമർപ്പിക്കും. കഴിഞ്ഞ കുറച്ച് ദിവസങ്ങളായി പ്രദേശത്ത് സംഘർഷം രൂക്ഷമായതിനാൽ കനത്ത പോലീസ് സേനയെ വിന്യസിച്ചിട്ടുണ്ട്. അഞ്ചിൽ കൂടുതൽ ആളുകൾ കൂട്ടംകൂടുന്നത് തടയാൻ നിരോധനാജ്ഞയും ഏർപ്പെടുത്തിയിട്ടുണ്ട്.

കെപിസിസി പുനഃസംഘടന: ഡൽഹിയിൽ മാരത്തൺ ചർച്ചകൾ

Story Highlights: Two killed in clashes during mosque survey in Sambhal, Uttar Pradesh

ഉത്തർപ്രദേശിൽ തെരുവുനായ്ക്കളുടെ ആക്രമണത്തിൽ 30 വയസ്സുകാരിക്ക് ദാരുണാന്ത്യം