മരക്കാർ അറബിക്കടലിന്റെ സിംഹം എന്ന പുതിയ ചിത്രം തിയറ്ററുകളിൽ പ്രദർശിപ്പിക്കുന്നതിലുള്ള സന്തോഷം പങ്കുവെച്ച് നടൻ മോഹൻലാൽ.
ചിത്രം തിയറ്ററുകളിൽ റിലീസ് ചെയ്യുമെന്ന വാർത്തകൾക്ക് പിന്നാലെയാണ് മോഹൻലാൽ അദ്ദേഹത്തിന്റെ ഫേസ്ബുക്കിലൂടെ പ്രതികരണം അറിയിച്ചത്.
“വലിയ സർപ്രൈസിന്റെ സീൽ പൊട്ടിക്കാൻ സമയം ആയി.ഞങ്ങൾക്ക് സന്തോഷം അടക്കാനാകുന്നില്ല.
നിങ്ങൾക്കായി ഒരുക്കിയ ദൃശ്യവിരുന്ന് നിങ്ങൾ എവിടെയാണോ കാണാൻ ആഗ്രഹിച്ചത് അവിടെ തന്നെ നിങ്ങൾക്ക് ആസ്വദിക്കാം.
ലോകമെമ്പാടുമുള്ള തിയറ്ററുകളിൽ ഡിസംബർ രണ്ടിന് മരക്കാർ അറബിക്കടലിന്റെ സിംഹം പ്രദർശിപ്പിക്കും ” എന്നായിരുന്നു മോഹൻലാൽ ഫേസ്ബുക്കിലൂടെ പങ്കുവച്ചത്.
ഏറെ വിവാദങ്ങൾക്ക് ശേഷമാണ് മരക്കാർ എന്ന ചിത്രത്തിന്റെ റിലീസ് സംബന്ധിച്ച് അന്തിമ തീരുമാനം ഉണ്ടായത്.
വ്യാഴാഴ്ച സാംസ്‌കാരിക വകുപ്പ് മന്ത്രി സജി ചെറിയാന്റെ നേതൃത്വത്തിൽ നടന്ന യോഗത്തിലാണ് മരക്കാർ തിയറ്ററുകളിൽ റിലീസ് ചെയ്യാൻ തീരുമാനമായത്.
Story highlight :Mohanlal is happy with the Marakkar Theater release.
