പ്രധാനമന്ത്രി നരേന്ദ്ര മോദി മൂന്ന് ദിവസത്തെ സന്ദർശനത്തിനായി യുഎസിൽ എത്തി. ഡെലവെയറിലെ യുഎസ് പ്രസിഡന്റ് ജോ ബൈഡന്റെ വസതിയിൽ ഇരുവരും കൂടിക്കാഴ്ച നടത്തി. ഇന്ത്യ-യുഎസ് പങ്കാളിത്തം ചരിത്രത്തിലെ ഏറ്റവും ശക്തവും ചലനാത്മകവുമാണെന്ന് ബൈഡൻ അഭിപ്രായപ്പെട്ടു.
കാൻസർ മൂൺ ഷോട്ട് പരിപാടിയിൽ പങ്കെടുത്ത പ്രധാനമന്ത്രി, ഇൻഡോ-പസഫിക് രാജ്യങ്ങൾക്ക് 40 ദശലക്ഷം വാക്‌സിൻ ഡോസുകളും റേഡിയോ തെറാപ്പി ചികിത്സയും നൽകുമെന്ന് പ്രഖ്യാപിച്ചു. നിലവിൽ ഇന്ത്യ, ഓസ്ട്രേലിയ, അമേരിക്ക, ജപ്പാൻ എന്നീ രാഷ്ട്രത്തലവൻമാർ പങ്കെടുക്കുന്ന ക്വാഡ് ഉച്ചകോടി പുരോഗമിക്കുകയാണ്.
കൂടിക്കാഴ്ചയ്ക്കു ശേഷം ബൈഡൻ സമൂഹമാധ്യമത്തിൽ കുറിച്ചു: “പ്രധാനമന്ത്രി മോദി, നമ്മൾ ഒന്നിച്ചിരുന്ന് സംസാരിക്കുമ്പോഴെല്ലാം, പുതിയ സഹകരണ മേഖലകൾ കണ്ടെത്താനുള്ള നമ്മുടെ കഴിവ് എന്നെ അത്ഭുതപ്പെടുത്താറുണ്ട്. ഇന്നും അത് വ്യത്യസ്തമായിരുന്നില്ല.” ക്വാഡ് ഉച്ചകോടിയിൽ പങ്കെടുക്കുന്ന പ്രധാനമന്ത്രി നരേന്ദ്രമോദി നാളെ ഡോണൾഡ് ട്രംപുമായും കൂടിക്കാഴ്ച നടത്തും.
Story Highlights: PM Modi meets US President Biden, announces vaccine doses for Indo-Pacific countries, attends Quad summit
