PM Modi slams Congress after BJP's third consecutive win in Haryana

ഹരിയാനയിലെ ബിജെപി വിജയത്തിന് പിന്നാലെ പാർട്ടി ആസ്ഥാനത്ത് പ്രധാനമന്ത്രി നരേന്ദ്രമോദി പ്രവർത്തകരെ അഭിസംബോധന ചെയ്തു. ഭഗവദ്ഗീതയുടെ നാട്ടിൽ മൂന്നാമതും ബിജെപിയെ അധികാരമേൽപ്പിച്ച് ജനങ്ങൾ ചരിത്രമെഴുതിയെന്ന് മോദി പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

13 തെരഞ്ഞെടുപ്പുകൾ കണ്ട ഹരിയാനയിൽ ഇത് ആദ്യത്തെ സംഭവമാണെന്നും, കോൺഗ്രസിനെ ഒരിക്കലും തുടർച്ചയായി ജനങ്ങൾ ഭരണം ഏൽപ്പിച്ചിട്ടില്ലെന്നും അദ്ദേഹം ചൂണ്ടിക്കാട്ടി. കോൺഗ്രസിനെ കടുത്ത ഭാഷയിൽ വിമർശിച്ച മോദി, ഇന്ത്യയിലെ ജനങ്ങൾ കോൺഗ്രസിനുനേരെ നോ എൻട്രി ബോർഡ് വച്ചിരിക്കുകയാണെന്ന് പരിഹസിച്ചു.

അധികാരം ജന്മാവകാശമെന്നാണ് ഇപ്പോഴും കോൺഗ്രസ് കാണുന്നതെന്നും, ദരിദ്രരായവരെ ജാതിയുടെ പേരിൽ തമ്മിലടിപ്പിക്കാനുള്ള ശ്രമമാണ് അവർ നടത്തിപ്പോരുന്നതെന്നും അദ്ദേഹം ആരോപിച്ചു. നൂറുവർഷം അധികാരം കിട്ടിയാലും കോൺഗ്രസ് ദളിതരെയോ ആദിവാസിയെയോ പിന്നാക്ക വിഭാഗത്തിൽപ്പെട്ടവരെയോ പ്രധാനമന്ത്രി ആക്കില്ലെന്നും മോദി കുറ്റപ്പെടുത്തി.

കർഷകരെയും സൈനികരെയും ഭിന്നിപ്പിക്കാനാണ് കോൺഗ്രസ് ശ്രമിച്ചതെന്നും, അതിന് ജനം മറുപടി നൽകിയെന്നും പ്രധാനമന്ത്രി പറഞ്ഞു. വോട്ടിംഗ് യന്ത്രങ്ങളിൽ ബിജെപി ക്രമക്കേട് നടത്തിയെന്ന കോൺഗ്രസിന്റെ ആരോപണങ്ങളെയും അദ്ദേഹം തള്ളി.

ഏഷ്യാ കപ്പ് വിജയം; കോൺഗ്രസിനെതിരെ വിമർശനവുമായി ബിജെപി

കോൺഗ്രസ് തിരഞ്ഞെടുപ്പിന്റെ നിഷ്പക്ഷതയെ ചോദ്യം ചെയ്യാനാണ് ശ്രമിക്കുന്നതെന്നും, അർബൻ നക്സലുകളുമായി ചേർന്ന് രാജ്യത്ത് ഭീതി പടർത്തുകയാണെന്നും മോദി വിമർശിച്ചു.

Story Highlights: PM Modi addresses BJP workers after Haryana victory, criticizes Congress for divisive politics

മുഖ്യമന്ത്രിയുടെ ‘സി.എം. വിത്ത് മി’ പരിപാടി പരാജയമെന്ന് യൂത്ത് കോൺഗ്രസ്