Story Highlights: PM Modi congratulates Donald Trump on US presidential election victory, aims to strengthen India-US relationsHad a great conversation with my friend, President @realDonaldTrump, congratulating him on his spectacular victory. Looking forward to working closely together once again to further strengthen India-US relations across technology, defence, energy, space and several other sectors.
— Narendra Modi (@narendramodi) November 6, 2024
അമേരിക്കൻ പ്രസിഡന്റ് സ്ഥാനത്തേക്ക് വീണ്ടും തിരഞ്ഞെടുക്കപ്പെട്ട ഡൊണാൾഡ് ട്രംപിന് പ്രധാനമന്ത്രി നരേന്ദ്രമോദി ഫോണിലൂടെ അഭിനന്ദനം അറിയിച്ചു. മോദി തന്നെയാണ് ഇക്കാര്യം തന്റെ എക്‌സ് ഹാൻഡിലിലൂടെ വ്യക്തമാക്കിയത്. ഇന്ത്യ-അമേരിക്ക ബന്ധം കൂടുതൽ ശക്തമാക്കാനായി ഒരുമിച്ച് പ്രവർത്തിക്കുമെന്ന് പ്രതീക്ഷിക്കുന്നതായും മോദി കുറിച്ചു.
സാങ്കേതികവിദ്യ, പ്രതിരോധം, ഊർജം, സ്‌പേസ് തുടങ്ങിയ മേഖലകളിൽ ഇരുരാജ്യങ്ങളുടെയും സഹകരണം ശക്തിപ്പെടുത്താനാണ് ആഗ്രഹമെന്ന് മോദി വ്യക്തമാക്കി. ആഗോള സമാധാനത്തിനും സമൃദ്ധിക്കും വേണ്ടി ഒരുമിച്ച് പ്രവർത്തിക്കാമെന്നും അദ്ദേഹം കൂട്ടിച്ചേർത്തു. ജനങ്ങളുടെ ഉന്നമനത്തിനും ലോക സമാധാനം, സ്ഥിരത, സമൃദ്ധി എന്നിവ പ്രോത്സാഹിപ്പിക്കുന്നതിനും ഇരുരാജ്യങ്ങളും ഒന്നിച്ച് പ്രവർത്തിക്കുമെന്നും പ്രധാനമന്ത്രി പറഞ്ഞു.
അമേരിക്കയിലെ ജനങ്ങൾക്കും പാർട്ടി പ്രവർത്തകർക്കും കുടുംബത്തിനും ട്രംപ് നന്ദി അറിയിച്ചു. അമേരിക്കയുടെ സുവർണ കാലം വന്നെത്തിയെന്ന് അദ്ദേഹം പ്രഖ്യാപിച്ചു. ഔദ്യോഗികമായി വിജയം പ്രഖ്യാപിച്ചിട്ടില്ലെങ്കിലും, 47-ാമത് പ്രസിഡന്റായി താൻ തിരഞ്ഞെടുക്കപ്പെട്ടതായി ട്രംപ് ഫ്ലോറിഡയിൽ വെച്ച് സ്വയം പ്രഖ്യാപിച്ചു. അനുയായികളെ അഭിസംബോധന ചെയ്യുമ്പോൾ ട്രംപിന്റെ കുടുംബാംഗങ്ങളും വേദിയിൽ സന്നിഹിതരായിരുന്നു.
