Govt withdraws draft Broadcasting Bill amid concerns over media freedom

കേന്ദ്ര സർക്കാർ ബ്രോഡ്കാസ്റ്റ് ബില്ലിന്റെ കരട് പിന്വലിച്ചു. ഈ തീരുമാനം കേന്ദ്ര വാർത്താ വിനിമയ മന്ത്രാലയം തത്പര കക്ഷികളോട് അറിയിച്ചു. കരടിനെക്കുറിച്ച് അഭിപ്രായം നൽകേണ്ടതില്ലെന്നും മന്ത്രാലയം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബ്രോഡ്കാസ്റ്റർമാർ, അസോസിയേഷനുകൾ, സ്ട്രീമിങ് സർവീസുകൾ, ടെക് കമ്പനികൾ എന്നിവർക്കാണ് കരട് നേരത്തെ അയച്ചിരുന്നത്. എന്നാൽ ഇപ്പോൾ പിന്വലിച്ച കരട് പൊതുജനങ്ങൾക്ക് ലഭ്യമാക്കിയിട്ടില്ല. 1995-ലെ ടെലിവിഷൻ നെറ്റ്വർക്ക് നിയമത്തിന് പകരമായാണ് ബ്രോഡ്കാസ്റ്റിങ് ബില്ല് അവതരിപ്പിക്കാൻ കേന്ദ്രം ശ്രമിച്ചത്.

യൂട്യൂബ്, ഫെയ്സ്ബുക്ക്, ഇൻസ്റ്റഗ്രാം തുടങ്ങിയ സമൂഹമാധ്യമങ്ങളിലും ഓൺലൈൻ പോർട്ടലുകളിലും വാർത്തകളും സംഭവങ്ങളും അവതരിപ്പിക്കുന്നവരെയാണ് ബില്ല് ലക്ഷ്യമിട്ടിരുന്നത്. കണ്ടന്റ് നിർമാതാക്കളെ ‘ഡിജിറ്റൽ ന്യൂസ് ബ്രോഡ്കാസ്റ്റേഴ്സ്’ എന്നാണ് കരട് ബില്ലിൽ വിശേഷിപ്പിച്ചിരുന്നത്. അവരുടെ വീഡിയോകളും വാർത്തകളും കേന്ദ്രസമിതിയുടെ അനുമതിയോടെ മാത്രമേ പ്രക്ഷേപണം ചെയ്യാനാകൂ.

ഇതിനായി ത്രിതല സംവിധാനവും രൂപീകരിക്കുമായിരുന്നു. ലോക്സഭാ തെരഞ്ഞെടുപ്പിൽ സ്വതന്ത്ര മാധ്യമങ്ങൾ സർക്കാരിനെതിരെ ശക്തമായി പ്രതികരിച്ചതിനെ തുടർന്നാണ് ഈ നീക്കമെന്നാണ് റിപ്പോർട്ടുകൾ. എന്നാൽ ബില്ല് മാധ്യമ സ്വാതന്ത്ര്യത്തെയും അഭിപ്രായ സ്വാതന്ത്ര്യത്തെയും നിയന്ത്രിക്കുമെന്ന ആശങ്കയും ഉയർന്നിരുന്നു.

മന്ത്രി പി. രാജീവിന്റെ അമേരിക്കൻ യാത്രയ്ക്ക് കേന്ദ്രം അനുമതി നിഷേധിച്ചു

ഇതോടെ കേന്ദ്രസർക്കാർ ബില്ലിന്റെ കരട് പിന്വലിക്കുകയായിരുന്നു. എന്നാൽ പുതുക്കിയ കരട് പ്രസിദ്ധീകരിക്കുമോ എന്ന് മന്ത്രാലയം വ്യക്തമാക്കിയിട്ടില്ല.

Story Highlights: The Indian government has withdrawn the draft of the Broadcasting Services (Regulation) Bill, 2024 amid concerns over media freedom and freedom of expression. Image Credit: twentyfournews

കന്നുകാലി ഗതാഗതത്തിനും മാധ്യമ സ്വാതന്ത്ര്യത്തിനും മദ്രാസ് ഹൈക്കോടതി മാർഗനിർദേശങ്ങൾ