Kerala to face new low pressure system; Revenue Minister warns

കേരളത്തിൽ കാലാവസ്ഥ മുന്നറിയിപ്പുകൾ നൽകി റവന്യു മന്ത്രി കെ രാജൻ. ഈ മാസം 19ന് പുതിയ ന്യൂനമർദ്ദം രൂപപ്പെടുമെന്നും അത് ഇടുക്കിയിൽ കൂടുതൽ ബാധിക്കാൻ സാധ്യതയുണ്ടെന്നും മന്ത്രി അറിയിച്ചു. വടക്കൻ കേരളത്തിൽ കനത്ത മഴ തുടരുമെന്നും ഓഗസ്റ്റ് 3 വരെ മഴ ഏറ്റക്കുറച്ചിലുകളോടെ തുടരുമെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മണ്ണിടിച്ചിലിനും ഉരുൾപൊട്ടലിനും സാധ്യത കൂടുന്നതിനാൽ രാത്രിയാത്ര പരമാവധി ഒഴിവാക്കണമെന്ന് മന്ത്രി നിർദേശിച്ചു. മുന്നറിയിപ്പുകൾക്ക് അനുസൃതമായി ക്യാമ്പുകൾ ഒരുക്കാൻ സർക്കാർ തീരുമാനിച്ചതായി മന്ത്രി അറിയിച്ചു. കാസർകോട്, കണ്ണൂർ ജില്ലകളിൽ പുതിയ ഹോട്ട് സ്പോട്ടുകൾ രൂപപ്പെട്ടിട്ടുണ്ടെന്നും പാലക്കാട്, മലപ്പുറം, വയനാട്, തൃശൂർ ജില്ലകളിൽ അപകട സാധ്യതയുള്ള പുതിയ സ്ഥലങ്ങൾ കണ്ടെത്തിയിട്ടുണ്ടെന്നും അദ്ദേഹം പറഞ്ഞു.

മണ്ണെടുപ്പ് നടക്കുന്ന സ്ഥലങ്ങളും മണ്ണിടിച്ചിൽ സാധ്യതയുള്ള സ്ഥലങ്ങളുമാണ് ഏറെയുമെന്ന് മന്ത്രി കൂട്ടിച്ചേർത്തു. മരങ്ങൾ വീണുണ്ടാകാവുന്ന അപകടങ്ങൾ ഒഴിവാക്കാൻ നടപടികൾ സ്വീകരിക്കണമെന്ന് മന്ത്രി നിർദേശിച്ചു. അപകടാവസ്ഥയിലുള്ള പൊതു മരങ്ങൾ മാറ്റാൻ നടപടി എടുക്കണമെന്നും, മരം മുറിക്കുന്നതുമായി ബന്ധപ്പെട്ട തർക്കങ്ങൾ പഞ്ചായത്ത് സെക്രട്ടറിക്ക് പരിഹരിക്കാമെന്നും അദ്ദേഹം പറഞ്ഞു.

ദ്വാരപാലകശിൽപത്തിലെ സ്വർണം കുറഞ്ഞെങ്കിൽ മറുപടി പറയേണ്ടത് കമ്മീഷണർ: എ. പത്മകുമാർ

പൊതു നിരത്തിലെ പരസ്യ ബോർഡുകൾ മാറ്റുകയോ ബലപ്പെടുത്തുകയോ ചെയ്യണമെന്നും മന്ത്രി നിർദേശിച്ചു. സംസ്ഥാനത്ത് ഏറ്റവും കൂടുതൽ നാശനഷ്ടവും ജീവഹാനിയും കാറ്റ് മൂലമാണുണ്ടായതെന്നും കെഎസ്ഇബി കണ്ട്രോൾ റൂം നമ്പർ (1912) തുറന്നിട്ടുണ്ടെന്നും അദ്ദേഹം കൂട്ടിച്ചേർത്തു.

സ്വർണവിലയിൽ ഉച്ചയോടെ ഇടിവ്; ഒരു പവൻ സ്വർണത്തിന്റെ ഇന്നത്തെ വില അറിയാം