കുടുംബപരമായ പ്രശ്‌നങ്ങള്‍ മാത്രമാണ് മുകേഷും താനും തമ്മിലുള്ളതെന്നും അതിന്റെ പേരില്‍ മുകേഷിനെ വില്ലനായി ചിത്രീകരിക്കുന്നതിനോട് യോജിക്കുന്നില്ലെന്നും മേതില്‍ ദേവിക.മാധ്യമങ്ങള്‍ സമാധാനപരമായ വിവാഹമോചനത്തിന് അനുവദിക്കണം. പിരിയുകയെന്നത് രണ്ടുപേര്‍ക്കും വേദനയുണ്ടാക്കുന്ന കാര്യമാണ്. താനല്ല വിവാഹമോചനക്കാര്യം പുറത്തുവിട്ടത്. വിവാഹമോചനം ആവശ്യപ്പെട്ട്കൊണ്ട് ഹര്‍ജി നല്‍കിയിട്ടുണ്ടെന്നും ദേവിക വ്യക്തമാക്കി.
വിവാഹബന്ധം വേര്‍പ്പെടുത്തുന്നത് രണ്ടുപേരുടെയും ആശയങ്ങള്‍ തമ്മില്‍ യോജിച്ച് പോവാത്ത സാഹചര്യമാണ് എന്ന് തോന്നിയതിനാലാണ്. താന്‍ നേരത്തെ തന്നെ മുകേഷിനോട് വിവാഹമോചനം വേണമെന്ന് പറഞ്ഞിരുന്നു. അദ്ദേഹത്തിന്റെ തിരക്കുകള്‍ക്കൊണ്ടാവാം അത് ഗൗരവമായി എടുത്തില്ല. എന്നാൽ ഈ വിഷയത്തില്‍ താന്‍ ഗൗരവമായി തന്നെ മുന്നോട്ടു പോവുകയാണെന്നും ദേവിക പറഞ്ഞു.
Story highlight : Methil Devika says she does not agree with portraying Mukesh as a villain.
