Masappadi Case: SFIO Chargesheet Scrutiny Begins Today

കൊച്ചി◾: മാസപ്പടി കേസിൽ എസ്എഫ്ഐഒ സമർപ്പിച്ച കുറ്റപത്രത്തിന്റെ സൂക്ഷ്മ പരിശോധന ഇന്ന് എറണാകുളം സെഷൻസ് കോടതിയിൽ ആരംഭിക്കും. മുഖ്യമന്ത്രിയുടെ മകൾ വീണ വിജയൻ, എക്സാലോജിക് കമ്പനി, സിഎംആർഎൽ ഉടമ ശശിധരൻ കർത്ത തുടങ്ങിയവർക്കെതിരെയാണ് കുറ്റപത്രം തയ്യാറാക്കിയിരിക്കുന്നത്. എസ്എഫ്ഐഒ ഡപ്യൂട്ടി ഡയറക്ടർ എം അരുൺ പ്രസാദിന്റെ നേതൃത്വത്തിലുള്ള അന്വേഷണ സംഘമാണ് കുറ്റപത്രം സമർപ്പിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രോസിക്യൂഷൻ അനുമതി ലഭിച്ചതിനാൽ വീണ വിജയന്റെ അറസ്റ്റ് ഉടൻ ഉണ്ടായേക്കാമെന്നാണ് സൂചന. വിചാരണ നടപടികൾക്ക് തൊട്ടുമുമ്പ് പ്രതികളുടെ അറസ്റ്റ് രേഖപ്പെടുത്തണമെന്നാണ് നിയമം. വീണ അടക്കമുള്ള പ്രതികൾക്ക് എസ്എഫ്ഐഒ ഉടൻ സമൻസ് അയയ്ക്കും. കേസിൽ എസ്എഫ്ഐഒ റിപ്പോർട്ട് മൂന്ന് മാസം മുമ്പ് തന്നെ തയ്യാറായിരുന്നുവെന്നാണ് വിവരം.

ഡൽഹി ഹൈക്കോടതിയിൽ കേസ് നടക്കുന്ന സമയത്ത് തന്നെ പ്രോസിക്യൂഷൻ അനുമതിക്കായി കേന്ദ്ര കോർപ്പറേറ്റ് കാര്യ മന്ത്രാലയത്തിന് എസ്എഫ്ഐഒ റിപ്പോർട്ട് സമർപ്പിച്ചിരുന്നു. കേന്ദ്ര കോർപ്പറേറ്റ് കാര്യ മന്ത്രാലയം അനുമതി നൽകുകയും ഡൽഹി ഹൈക്കോടതി സ്റ്റേ ആവശ്യം തള്ളുകയും ചെയ്തതോടെ നടപടികൾ വേഗത്തിലാക്കി. ഷെഡ്യൂൾഡ് ഒഫൻസ് വന്നതോടെ രജിസ്റ്റർ ചെയ്ത കേസിൽ ഇഡിയും അന്വേഷണം ആരംഭിച്ചു.

ദുബായിൽ പെരുന്നാൾ അവധിയിൽ 63 ലക്ഷം പേർ പൊതുഗതാഗതം ഉപയോഗിച്ചു

എസ്എഫ്ഐഒയിൽ നിന്ന് കേസുമായി ബന്ധപ്പെട്ട വിശദാംശങ്ങൾ ഇഡി ആവശ്യപ്പെട്ടിട്ടുണ്ട്. പ്രതികളെ ഇഡിയും വൈകാതെ സമൻസ് അയച്ച് വിളിച്ചുവരുത്തും. എസ്എഫ്ഐഒ കുറ്റപത്രം റദ്ദാക്കാൻ വീണയടക്കമുള്ള പ്രതികൾ കോടതിയെ സമീപിക്കാനും സാധ്യതയുണ്ട്. കേസിലെ സുപ്രധാന വഴിത്തിരിവായി കുറ്റപത്ര പരിശോധന മാറുമെന്നാണ് വിലയിരുത്തൽ.

Story Highlights: The SFIO will begin scrutiny of the chargesheet in the ‘Masappadi’ case today at the Ernakulam Sessions Court.

വീണ വിജയനെതിരായ എസ്എഫ്ഐഒ കുറ്റപത്രം: സിപിഐഎം പ്രതിരോധം തുടരുന്നു