Manu Manjith's inspiring journey: Winning award despite severe burns

ഗാനരചയിതാവ് മനു മഞ്ജിത് തനിക്ക് സംഭവിച്ച അപകടത്തെക്കുറിച്ച് പങ്കുവച്ച കുറിപ്പ് ശ്രദ്ധ നേടുന്നു. “തിരുവാവണി രാവ്” എന്ന ഗാനത്തിന്റെ വിജയത്തിനു ശേഷം തന്റെ ഓണക്കാലങ്ങൾക്ക് ഒരു പ്രത്യേക ഭംഗിയും സന്തോഷവും തോന്നാറുണ്ടെന്ന് അദ്ദേഹം പറയുന്നു. നാടിന്റെ ഏറ്റവും വലിയ ആഘോഷത്തിലേക്ക് ചേർത്തു പിടിക്കപ്പെടുന്ന പാട്ടിന്റെ ഭാഗമാവുക എന്നത് ഒരു പ്രത്യേക അനുഭവമാണെന്നും അദ്ദേഹം കുറിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

“നീലനിലവേ” എന്ന ഗാനത്തിന് “സൈമാ അവാർഡ്സി”ൽ നോമിനേഷൻ ലഭിച്ചതിനെ തുടർന്ന് തിരുവോണത്തിന്റെ അന്നു തന്നെ ദുബായിൽ നടക്കുന്ന അവാർഡ് നൈറ്റിലേക്ക് ക്ഷണിക്കപ്പെട്ടു. എന്നാൽ, ദുബായിലേക്ക് പോകുന്നതിന് തൊട്ടുമുമ്പ്, സെപ്റ്റംബർ 10-ന് രാത്രി നെയ്യാറ്റിൻകരയിലെ വീട്ടിൽ വച്ച് അപകടം സംഭവിച്ചു. തിളച്ച വെള്ളം മേലേക്ക് വീണ് രണ്ടു തുടയും പിൻഭാഗവും പൊള്ളലേറ്റു.

അപകടത്തിന് ശേഷം, മനു മഞ്ജിത് നിംസ് ആശുപത്രിയിലും പിന്നീട് മലബാർ മെഡിക്കൽ കോളേജിലും ചികിത്സ തേടി. 17% സെക്കൻഡ് ഡിഗ്രി ബേൺസ് സംഭവിച്ചതായി കണ്ടെത്തി. വേദനയും ബുദ്ധിമുട്ടുകളും അനുഭവിച്ചെങ്കിലും, ഭാര്യ ഹിമയുടെ പിന്തുണയോടെ ദുബായിലേക്ക് പോകാൻ തീരുമാനിച്ചു. അവിടെ വച്ച് അവാർഡ് നേടിയെടുക്കാനും സാധിച്ചു. ഈ അനുഭവം തന്റെ ജീവിതത്തിലെ ഒരു വല്ലാത്ത കൊളാഷ് ആയിരുന്നുവെന്ന് അദ്ദേഹം പറയുന്നു. അവസാനമായി, “മുറിവും ചിരിയിതളാക്കി പൂവിളി പാടാം” എന്ന വരി ഉദ്ധരിച്ചുകൊണ്ട് എല്ലാവർക്കും ഓണാശംസകൾ നേരുന്നു.