Mannar Kala murder case: Son rejects police findings, insists mother is alive

മാന്നാറിലെ കലയുടെ കൊലപാതകക്കേസിൽ പുതിയ വഴിത്തിരിവ്. കലയെ ഭർത്താവ് കൊലപ്പെടുത്തിയെന്ന പൊലീസ് കണ്ടെത്തൽ മകന് ഉൾക്കൊള്ളാനാകുന്നില്ല. അമ്മ മരിച്ചിട്ടില്ലെന്നും ജീവനോടെയുണ്ടെന്നും മകൻ മാധ്യമങ്ങളോട് വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അമ്മയെ തിരികെ കൊണ്ടുവരുമെന്നും പേടിക്കേണ്ടെന്ന് അച്ഛൻ പറഞ്ഞതായും മകൻ പറഞ്ഞു. പൊലീസ് പരിശോധനയിൽ എന്തു കണ്ടെത്തിയെന്നും മകൻ ചോദ്യമുയർത്തി. 15 വർഷമായി അമ്മ എവിടെയോ ജീവനോടെയുണ്ടെന്ന മകന്റെ പ്രതീക്ഷകൾക്ക് വിരുദ്ധമായാണ് കല കൊല്ലപ്പെട്ടെന്നും കൊന്നത് ഭർത്താവാണെന്നും ഇന്നലെ പൊലീസ് കണ്ടെത്തിയത്.

പൊലീസ് അന്വേഷണത്തിൽ താൻ തൃപ്തനല്ലെന്നും ഇന്നലത്തെ പരിശോധനയിൽ പ്രധാനപ്പെട്ട തെളിവുകളൊന്നും ലഭിച്ചിട്ടില്ലെന്നും മകൻ ആരോപിച്ചു. അമ്മ ജീവിച്ചിരിപ്പുണ്ടെന്നത് കേവലം സൂചനയല്ലെന്നും തനിക്ക് ഉറപ്പാണെന്നും അമ്മയെ തിരിച്ചുകൊണ്ടുവരാനാകുമെന്ന് പൂർണമായി ആത്മവിശ്വാസമുണ്ടെന്നും മകൻ പറഞ്ഞു. അച്ഛന് യാതൊരു ടെൻഷനുമില്ലെന്നും എസ്പിയുടെ വാർത്താസമ്മേളനത്തിൽ പറഞ്ഞ കാര്യങ്ങൾ തെറ്റാണെന്നും മകൻ ആരോപിച്ചു.

ഇന്നലെയാണ് സെപ്റ്റിക് ടാങ്കിൽ നിന്നും കലയുടെ മൃതദേഹാവശിഷ്ടങ്ങൾ എന്ന് സംശയിക്കുന്ന തെളിവുകൾ പൊലീസ് കണ്ടെത്തിയത്. 15 വർഷങ്ങൾക്ക് മുൻപ് ഒരു യുവതിയെ കാണാതായ കേസിൽ സത്യങ്ങൾ പുറംലോകത്തേക്ക് എത്തുന്നത് ഒരു ഊമ കത്തിന്റെ രൂപത്തിലാണ്. ആലപ്പുഴ ജില്ലാ പൊലീസ് മേധാവി ചൈത്ര തെരേസാ ജോണിന് ലഭിച്ച കത്തിൽ 15 വർഷങ്ങൾക്ക് മുൻപ് ഇരമത്തൂരിൽ നിന്ന് കാമുകനൊപ്പം അപ്രത്യക്ഷമായെന്നു പറയപ്പെടുന്ന കല എന്ന 26 കാരി കൊല്ലപ്പെട്ടു എന്നായിരുന്നു ഉള്ളടക്കം.

ബിജു ജോസഫ് കൊലപാതകം: പ്രതികൾ പോലീസ് കസ്റ്റഡിയിൽ

കൊലപ്പെടുത്തിയ രീതിയും, പങ്കുള്ളവരുടെ പേരുകളും ഉൾപ്പടെ വിശദമായി കത്തിൽ ഉണ്ടായിരുന്നു. തുടർന്ന് അതീവ രഹസ്യമായി അമ്പലപ്പുഴ പൊലീസിനെ കേസ് അന്വേഷിക്കാൻ ഏൽപ്പിച്ചു. തുടർന്ന് നടത്തിയ അന്വേഷണത്തിലാണ് കൊലപാതകത്തിന്റെ വിവരങ്ങൾ പുറത്തുവന്നത്.

ബിജു ജോസഫ് കൊലപാതകം: ഒന്നാം പ്രതിയുടെ ഭാര്യയും കുടുങ്ങും