നടന് രജത് ബേഡിയുടെ കാറിടിച്ച യുവാവ് മരിച്ചു.

മുംബൈ : നടൻ രജത് ബേഡിയുടെ കാറിടിച്ച യുവാവ് മരിച്ചു. മുംബൈ സ്വദേശിയായ രാജേഷ് ദൂതാണ് മരണപ്പെട്ടത്. ബുധനാഴ്ച പുലർച്ച അന്ധേരിക്കടുത്തായിരുന്നു അപകടം സംഭവിച്ചത്. മുംബൈ കൂപ്പർ ഹോസ്പിറ്റലിൽ ചികിത്സയിലിരിക്കെയാണ് മരണപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഗുരുതരമായി പരിക്കേറ്റ യുവാവിനെ ആശുപത്രിയിലാക്കി നടൻ കടന്ന് കളഞ്ഞു എന്ന പരാതിയിൽ രജത് ബേഡിക്കെതിരേ പോലീസ് കേസെടുത്തിരുന്നു. തന്റെ കാറു തട്ടിയാണ് രാജേഷിന് പരിക്കു പറ്റിയതെന്ന് രജത് ആശുപത്രി അധികൃതരോട് അറിയിച്ചിരുന്നു. സഹായിക്കാമെന്ന് ഉറപ്പ് നൽകിയ രജത് അല്പസമയം കഴിഞ്ഞ് സ്ഥലം വിട്ടതായി രാജേഷിന്റെ കുടുംബം ഉന്നയിച്ചു.

ജോലി കഴിഞ്ഞ് മടങ്ങി എത്തവെ റോഡ് മുറിച്ചു കടക്കുന്നതിനിടെയാണ് രജതിന്റെ കാറിടിച്ചതെന്ന് രാജേഷിന്റെ ഭാര്യ ബബിത ദൂത് പറയുന്നു. കാറിന്റെ മുന്നിലേക്ക് രാജേഷ് പെട്ടെന്ന് വന്നുപെടുകയായിരുന്നുവെന്നും താനും ഡ്രൈവറും അവിടെതന്നെ ഉണ്ടാകുമെന്ന് രജത് ഉറപ്പു പറഞ്ഞതുമായിരുന്നു. എന്നാൽ ആരുമറിയാതെ സ്ഥലം കാലിയാക്കിയ രജത് തിരിച്ചുവന്നില്ലെന്ന് ബബിത പറയുന്നു.

ഗുജറാത്ത് തീരത്ത് 1800 കോടി രൂപയുടെ ലഹരിമരുന്ന് പിടിച്ചെടുത്തു

ഐ.പി.സി., മോട്ടോർ വാഹന നിയമങ്ങളിലെ വിവിധ വകുപ്പുകൾ ചുമത്തിയാണ് നടനെതിരേ ആദ്യം കേസെടുത്തത്. ഇപ്പോൾ സെഷൻ 304-A കൂടി (അശ്രദ്ധമൂലം സംഭവിച്ച മരണം) ചേർത്തുകൊണ്ടാണ് കേസെടുത്തിരിക്കുന്നത്. ഇതുവരെയും നടന്റെ അറസ്റ്റ് രേഖപ്പെടുത്തിയിട്ടില്ല. സംഭവസ്ഥലത്തെ സിസിടിവി ക്യാമറ ദൃശ്യങ്ങളിൽ നിന്നും വേണ്ടത്ര തെളിവുകൾ ലഭിക്കാത്തതിനാൽ സാക്ഷികൾ ആരെങ്കിലുമുണ്ടോ എന്ന് അന്വേഷിക്കുന്നതായും പോലീസ് പറയുന്നു.

Story highlight : Man hit by Actor Rajat Bedi’s car dies.

കോട്ടയം ഇരട്ടക്കൊലപാതകം: ദുരൂഹതയേറുന്നു, മകന്റെ മരണവും സംശയാസ്പദമെന്ന് അഡ്വ. ടി.അസഫലി