Gulf Malayalis scammed by fake actress meet-up offer, man arrested

സിനിമാ നടിമാരുമായി സമയം ചെലവഴിക്കാമെന്ന വാഗ്ദാനം നൽകി പ്രവാസികളിൽ നിന്ന് പണം തട്ടിയ യുവാവ് അറസ്റ്റിലായി. കൊച്ചി സൈബർ പോലീസാണ് പ്രതിയെ പിടികൂടിയത്. എറണാകുളം എളമക്കര പ്ലേഗ്രൗണ്ട് റോഡിൽ താമസിക്കുന്ന കൊല്ലം സ്വദേശി ശ്യാം മോഹൻ (37) ആണ് പിടിയിലായത്. രണ്ട് യുവ നടിമാരുടെ ചിത്രങ്ങളും പേരുകളും ഉൾപ്പെടുത്തിയാണ് ഇയാൾ സാമൂഹിക മാധ്യമങ്ങളിൽ പരസ്യം നൽകിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നടികൾ വിദേശ സന്ദർശനത്തിനെത്തുമ്പോൾ ആവശ്യക്കാർക്കൊപ്പം ഒരു ദിവസം ചെലവഴിക്കാൻ അവസരം നൽകാമെന്നായിരുന്നു പരസ്യത്തിലെ വാഗ്ദാനം. ഗൾഫിലുള്ള മലയാളി സോഷ്യൽ മീഡിയ ഗ്രൂപ്പുകളിലും പ്രതി പരസ്യം പ്രചരിപ്പിച്ചിരുന്നു. ഇയാളുടെ പരസ്യം കണ്ട് ഒട്ടേറെപ്പേർ വലയിൽ വീണു. 20,000 രൂപ മുതൽ 30,000 രൂപ വരെ പ്രതിക്ക് മുൻകൂറായി നൽകിയവരുണ്ട്.

കബളിപ്പിക്കലാണെന്ന് മനസ്സിലായെങ്കിലും തട്ടിപ്പിന് ഇരയായവർ നാണക്കേട് ഭയന്ന് പരാതിപ്പെട്ടിരുന്നില്ല. എന്നാൽ, യുവ നടിമാർ തങ്ങളുടെ പേരുപയോഗിച്ച് തട്ടിപ്പ് നടത്തുന്നതറിഞ്ഞ് പരാതി നൽകുകയായിരുന്നു. ഇടപാടുകാരെന്ന വ്യാജേന സൈബർ പോലീസ് പ്രതിയെ ബന്ധപ്പെടുകയും വലയിലാക്കുകയുമായിരുന്നു.

രാഹുൽ മാങ്കൂട്ടത്തിലിനെതിരായ കേസിൽ തെളിവെടുപ്പ് ശക്തമാക്കി പോലീസ്; നിർണ്ണായക കണ്ടെത്തലുകൾ

Story Highlights: Man arrested for scamming Gulf Malayalis by offering time with actresses

രാഹുൽ ഈശ്വറിൻ്റെ ജാമ്യാപേക്ഷയിൽ വാദം തുടങ്ങി; ആരോഗ്യനില മോശമായതിനെ തുടർന്ന് മെഡിക്കൽ കോളേജിൽ പ്രവേശിപ്പിച്ചു