‘പുഴു’പുത്തൻ ലുക്കിൽ മമ്മൂക്ക.

മമ്മൂട്ടിയുടെ പുത്തൻ ഗ്ലാമർ ലുക്ക് ഏറ്റെടുത്ത് ആരാധകർ. കോവിഡ് കാലത്ത് സോഷ്യൽ മീഡിയകളിൽ ചർച്ചയായ നീണ്ട മുടിയും താടിയും വെട്ടി പുത്തൻ ലുക്കിലാണ് മമ്മൂട്ടി എത്തിയിരിക്കുന്നത്.

‘പുഴു’ എന്ന പുത്തൻ ചിത്രത്തിനായാണ് വേറിട്ട ഗെറ്റപ്പിൽ താരം പ്രത്യക്ഷപ്പെട്ടത്. വിവിധ രാഷ്ട്രീയനേതാക്കളോടൊപ്പമുള്ള ആന്റോ ജോസഫ് പങ്കുവെച്ച മമ്മൂക്കയുടെ ചിത്രം ഇതിനോടകം സോഷ്യൽ മീഡിയയിൽ വൈറലാണ്.

 അമൽ നീരദ് സംവിധായകനായ ‘ഭീഷ്മപർവ്വം’ എന്ന ചിത്രത്തിനായി താടിയും മുടിയും വളർത്തിയ ഗ്ലാമർ ലുക്കിലായിരുന്നു മമ്മൂട്ടി. സെപ്റ്റംബർ 10ന് ‘ പുഴു’ എന്ന ചിത്രത്തിന്റെ ചിത്രീകരണവുമായി ബന്ധപ്പെട്ട് താരം കൊച്ചിയിലെത്തും. റദീന സംവിധാനം ചെയ്യുന്ന സിനിമയുടെ തിരക്കഥയൊരുക്കിയത് ഹർഷാദ്, ഷറഫ്, സുഹാസ് എന്നിവർ ചേർന്നാണ്.

Story Highlights: Mammooty’s new look for ‘Puzhu’ movie.