Malayali Priest Assaulted by Police in Odisha

ബർഹാംപൂർ (ഒഡീഷ)◾: ഒഡീഷയിലെ ബർഹാംപൂർ രൂപതയിലെ ജൂബ ഇടവക പള്ളിയിൽ മലയാളി വൈദികൻ ഫാദർ ജോഷി ജോർജിന് നേരെ പോലീസ് മർദ്ദനമുണ്ടായതായി റിപ്പോർട്ട്. മതപരിവർത്തനം നടത്തുന്നുവെന്നാരോപിച്ചാണ് പോലീസ് ഫാദർ ജോഷി ജോർജിനെ ആക്രമിച്ചത്. “നിങ്ങൾ പാകിസ്ഥാനികളാണ്, ക്രിസ്തുമത പരിവർത്തനത്തിനാണ് ഇവിടെ എത്തിയത്” എന്നു പറഞ്ഞായിരുന്നു മർദ്ദനമെന്ന് റിപ്പോർട്ടിൽ പറയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പള്ളിക്കു സമീപമുള്ള ഗ്രാമത്തിൽ നടന്ന റെയ്ഡിൽ കഞ്ചാവ് പിടികൂടിയതിനെ തുടർന്നാണ് പോലീസ് പള്ളിയിലെത്തിയത്. തുടർ പരിശോധനയുടെ ഭാഗമായി പള്ളിയിലുണ്ടായിരുന്നവരെ പരിശോധിക്കാനും മർദിക്കാനും പോലീസ് തുടങ്ങി. ഇത് തടയാൻ ശ്രമിച്ച ഫാ. ജോഷി ജോർജിനെയും പോലീസ് സംഘം ക്രൂരമായി മർദ്ദിച്ചു.

ഫാ. ജോഷി ജോർജിന് തോളെല്ലിനും കൈക്കും പൊട്ടലുണ്ടായതിനെ തുടർന്ന് ബഹരാംപുർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മധ്യപ്രദേശിലെ ജബൽപുരിൽ മലയാളി വൈദികരെ ആക്രമിച്ച സംഭവത്തിനു പിന്നാലെയാണ് ഒഡീഷയിലും സമാന സംഭവം. ജബല്പൂരിലെ സംഭവം പാർലമെന്റിൽ ചർച്ചയായിരുന്നു.

ജബൽപുരിലും പോലീസ് സാന്നിധ്യത്തിലാണ് സംഘപരിവാർ വൈദികരെ മർദ്ദിച്ചത്. സംഭവം നടന്ന് ദിവസങ്ങൾക്ക് ശേഷമാണ് പോലീസ് എഫ്ഐആർ രജിസ്റ്റർ ചെയ്തത്. ഒഡീഷയിലെ സംഭവത്തിൽ പോലീസ് എന്ത് നടപടിയെടുക്കുമെന്ന് കണ്ടറിയണം.

‘എമ്പുരാൻ’ ഗുജറാത്ത് വംശ ഹത്യയുടെ ബീഭത്സമായ ഓർമകൾ നമ്മുടെ കൺവെട്ടത്തെത്തിക്കുന്ന പ്രതിബദ്ധതയുള്ള സിനിമ; കെ.ടി. ജലീൽ

Story Highlights: A Malayali priest, Father Joshi George, was allegedly assaulted by police in Odisha, accusing him of religious conversion.

ഒഡീഷയിൽ മലയാളി വൈദികനെ മർദിച്ച സംഭവം: അന്വേഷണം നടത്താതെ പൊലീസ്