Malayali man kills Assam woman in Bangalore apartment

ബംഗളൂരു നഗരമധ്യത്തിലെ ഒരു സർവീസ് അപ്പാർട്ട്മെന്റിൽ ദാരുണമായ കൊലപാതകം നടന്നു. അസം സ്വദേശിനിയായ മായാ ഗൊഗോയ് എന്ന യുവതിയെ കണ്ണൂർ സ്വദേശിയായ ആരവ് എന്ന മലയാളി യുവാവ് കുത്തിക്കൊന്നതായാണ് റിപ്പോർട്ട്. ഈ സംഭവത്തിൽ ബംഗളൂരു പൊലീസ് അന്വേഷണം ഊർജിതമാക്കിയിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ മാസം 23-ാം തീയതിയാണ് ഇരുവരും സർവീസ് അപ്പാർട്ട്മെന്റിലെത്തി മുറിയെടുത്തത്. ഞായറാഴ്ച പുലർച്ചെയാണ് കൊലപാതകം നടന്നതെന്നാണ് പൊലീസിന്റെ നിഗമനം. മുറിയിൽ ചോരയിൽ കുളിച്ച നിലയിലായിരുന്നു യുവതിയുടെ മൃതദേഹം കണ്ടെത്തിയത്. കത്തി ഉപയോഗിച്ച് കഴുത്തിൽ കുത്തി മുറിവുണ്ടാക്കിയ ശേഷം മരണം ഉറപ്പിക്കാനായി കഴുത്ത് ഞെരിക്കുകയായിരുന്നുവെന്ന് പൊലീസ് പറയുന്നു.

കൊല്ലപ്പെട്ട മായ ഗൊഗോയ് ബംഗളൂരുവിലെ എച്ച്എസ്ആർ ലേ ഔട്ടിലുള്ള ഒരു കോർപ്പറേറ്റ് സ്ഥാപനത്തിലെ ജീവനക്കാരിയായിരുന്നു. കൊലപാതകത്തിലേക്ക് നയിച്ച കാരണത്തെ സംബന്ധിച്ച് പൊലീസിന് ഇതുവരെ വ്യക്തതയില്ല. പ്രതിയായ ആരവിനെ കണ്ടെത്തുന്നതിനായി ബംഗളൂരു പൊലീസ് കേരളത്തിലേക്കും തിരച്ചിൽ വ്യാപിപ്പിച്ചിട്ടുണ്ട്. സംഭവവുമായി ബന്ധപ്പെട്ട സിസിടിവി ദൃശ്യങ്ങൾ പൊലീസ് ശേഖരിച്ചിട്ടുണ്ട്.

ചീഫ് സെക്രട്ടറി ഹിയറിംഗ്: വീണ്ടും ഫേസ്ബുക്ക് പോസ്റ്റുമായി എൻ. പ്രശാന്ത് ഐ.എ.എസ്

Story Highlights: Malayali man kills Assam woman in Bangalore apartment, police intensify search

ഓപ്പറേഷൻ ഡി-ഹണ്ട്: 196 പേർ അറസ്റ്റിൽ