Shooting at Malappuram Temple Festival Injures One

ചെമ്പ്രശേരിയിലെ ഉത്സവത്തിനിടെയുണ്ടായ സംഘർഷത്തിൽ ഒരാൾക്ക് വെടിയേറ്റു. മലപ്പുറം പാണ്ടിക്കാട് ചെമ്പ്രശേരിയിലാണ് സംഭവം. ചെമ്പ്രശേരി സ്വദേശി ലുഖുമാനാണ് എയർഗൺ ഉപയോഗിച്ചുള്ള വെടിവെപ്പിൽ പരിക്കേറ്റത്. ലുഖുമാനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചെമ്പ്രശേരി ഈസ്റ്റ്, കൊടശേരി എന്നീ സ്ഥലങ്ങളിലെ ആളുകൾ തമ്മിൽ ചീട്ടുകളിയിൽ തുടങ്ങിയ തർക്കമാണ് സംഘർഷത്തിലേക്ക് നയിച്ചത്. ഒരാഴ്ച മുൻപ് പുളിവെട്ടുക്കാവിൽ നടന്ന ഉത്സവത്തിനിടെയും ഇരുവിഭാഗങ്ങൾ തമ്മിൽ സംഘർഷമുണ്ടായിരുന്നു. ഈ വൈരാഗ്യം ഇന്നലെ വീണ്ടും പൊട്ടിപ്പുറപ്പെടുകയായിരുന്നു. പെപ്പർ സ്പ്രേ, ഇരുമ്പ് വടി, എയർഗൺ എന്നിവ ഉപയോഗിച്ചായിരുന്നു ആക്രമണം.

ചെമ്പ്രശേരിയിലെ ഒരു കുടുംബക്ഷേത്രത്തിലെ താലപ്പൊലി ഉത്സവത്തിനിടെയാണ് സംഘർഷം ഉണ്ടായത്. ആദ്യം ഇരുവിഭാഗങ്ങളും തമ്മിൽ വലിയ രീതിയിലുള്ള കല്ലേറുണ്ടായി. കല്ലേറിൽ നിരവധി പേർക്ക് പരിക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.

കല്ലേറിനു ശേഷമാണ് എയർഗൺ ഉപയോഗിച്ച് വെടിവെപ്പുണ്ടായത്. ലുഖുമാന്റെ ശ്വാസനാളത്തിനാണ് വെടിയേറ്റത്. പാണ്ടിക്കാട് പോലീസ് കേസെടുത്ത് അന്വേഷണം ആരംഭിച്ചു. പ്രതികൾക്കായി തെരച്ചിൽ ഊർജിതമാക്കിയിട്ടുണ്ട്.

സംസ്ഥാനത്ത് വീണ്ടും അമീബിക് മസ്തിഷ്കജ്വരം; മലപ്പുറത്ത് 13 കാരന് രോഗം സ്ഥിരീകരിച്ചു

സംഭവത്തിൽ ഉൾപ്പെട്ടവരെ കണ്ടെത്താനുള്ള ശ്രമത്തിലാണ് പോലീസ്.

Story Highlights: A man was shot during a clash at a temple festival in Chembrassery, Pandikkad, Malappuram.

മലപ്പുറം തിരൂരിൽ സ്വകാര്യ ബസ്സപകടം: എട്ടാം ക്ലാസ് വിദ്യാർത്ഥിയുടെ വിരൽ നഷ്ടമായി