ആലുവ തോട്ടുമുക്കത്ത് വൻ തീപിടുത്തം ഉണ്ടായി. ഐ ബെൽ എന്ന ഇലക്ട്രോണിക് ഷോപ്പിന്റെ ഗോഡൗണിലാണ് തീ പടർന്നത്. ഷോറൂമിന്റെ മുകളിലത്തെ നിലയിൽ തുടങ്ങിയ തീ പൂർണമായും കത്തിനശിപ്പിച്ചു. ഞായറാഴ്ച ആയതിനാൽ ജീവനക്കാർ ആരും തന്നെ കടയിൽ ഉണ്ടായിരുന്നില്ല.
ഉച്ച കഴിഞ്ഞ് 3.30 ഓടെയാണ് കടയ്ക്ക് തീപിടിച്ചത്. രണ്ട് യൂണിറ്റ് ഫയർഫോഴ്സ് സ്ഥലത്തെത്തി തീയണയ്ക്കാൻ ശ്രമിക്കുന്നുണ്ട്. കൂടുതൽ യൂണിറ്റുകൾ സ്ഥലത്തേക്ക് പുറപ്പെട്ടിട്ടുണ്ട്. റോഡിലേക്ക് ഗ്ലാസുകളും മറ്റും പൊട്ടി തെറിച്ച് വീഴുന്നതിനാൽ അകത്തേക്ക് കയറുകയെന്നത് ശ്രമകരമാണ്.
രണ്ടാം നിലയിൽ തീ പടർന്ന് പിടിച്ചിരിക്കുകയാണ്. തീ പടർന്ന് പിടിച്ചതെങ്ങനെയെന്നതിൽ വ്യക്തതയില്ല. ഉടമസ്ഥൻ സ്ഥലത്തെത്തിയിട്ടുണ്ട്. സംഭവത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല.
Story Highlights: Major fire breaks out at iBall electronic shop in Aluva, Kerala
