Mahindra renames electric SUV amid trademark dispute with Indigo

മഹീന്ദ്ര കമ്പനി തങ്ങളുടെ പുതിയ ഇലക്ട്രിക് എസ്യുവിയുടെ പേര് മാറ്റാൻ തീരുമാനിച്ചു. ഇൻഡിഗോ എയർലൈൻസ് ഡൽഹി ഹൈക്കോടതിയിൽ നൽകിയ പരാതിയെ തുടർന്നാണ് ഈ നടപടി. ‘ബിഇ 6ഇ’ എന്ന പേര് ‘ബിഇ 6’ എന്നാക്കി മാറ്റുമെന്ന് മഹീന്ദ്ര അറിയിച്ചു. കഴിഞ്ഞ മാസം മഹീന്ദ്ര പുറത്തിറക്കിയ ബി.ഇ. ബ്രാൻഡിലെ ആദ്യ ഇലക്ട്രിക് മോഡലിന്റെ പേരിനെ ചൊല്ലിയാണ് ഈ തർക്കം ഉടലെടുത്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘6ഇ’ എന്നത് തങ്ങളുടെ പകർപ്പവകാശമുള്ള പേരാണെന്നും അത് നീക്കം ചെയ്യണമെന്നും ആവശ്യപ്പെട്ട് ഇൻഡിഗോ രംഗത്തെത്തി. എയർലൈൻ കമ്പനി നിയമനടപടികൾ സ്വീകരിച്ചതോടെ മഹീന്ദ്ര പേര് മാറ്റാൻ നിർബന്ധിതരായി. എന്നാൽ, ഈ പേര് മാറ്റം താൽക്കാലികം മാത്രമാണെന്നും നിയമപോരാട്ടം തുടരുമെന്നും മഹീന്ദ്ര വ്യക്തമാക്കി. ഇൻഡിഗോ ‘6E’ എന്ന പേര് സാങ്കേതിക ആവശ്യങ്ങൾക്കാണ് ഉപയോഗിക്കുന്നതെന്ന് അറിയപ്പെടുന്നു.

മഹീന്ദ്രയുടെ വാദം, തങ്ങളുടെ കാറിന്റെ പേരായ ‘ബിഇ 6ഇ’ക്ക് ഇൻഡിഗോയുടെ ട്രേഡ്മാർക്കുമായി യാതൊരു ബന്ധവുമില്ലെന്നാണ്. വാഹനങ്ങൾക്കായുള്ള ക്ലാസ് 12 വിഭാഗത്തിലാണ് മഹീന്ദ്ര ‘ബി.ഇ.6e’ക്കായി പകർപ്പവകാശം നേടിയിരിക്കുന്നത്. അതേസമയം, ഇൻഡിഗോ ‘6E’ എന്ന പേരിനുള്ള പകർപ്പവകാശം എയർലൈൻ സർവീസ് വിഭാഗത്തിലാണ് നേടിയിരിക്കുന്നത്. ‘ബി.ഇ.6e’ എന്ന പേരിനായി നിയമപോരാട്ടം തുടരുമെന്ന് മഹീന്ദ്ര വ്യക്തമാക്കിയിട്ടുണ്ട്.

ഷവോമി YU7 ഇലക്ട്രിക് എസ്യുവി വിപണിയിൽ: 835 കി.മീറ്റർ റേഞ്ചും മറ്റു സവിശേഷതകളും

നവംബറിൽ മഹീന്ദ്ര XEV 9e, BE 6e എന്നീ ഇലക്ട്രിക് എസ്യുവികൾ വിപണിയിൽ അവതരിപ്പിച്ചിരുന്നു. യഥാക്രമം 18.90 ലക്ഷം രൂപയും 21.90 ലക്ഷം രൂപയുമാണ് ഈ വാഹനങ്ങളുടെ പ്രാരംഭ വില. മഹീന്ദ്രയുടെ ബോൺ-ഇവി ഇൻഗ്ലോ പ്ലാറ്റ്ഫോമിലാണ് ഇവ നിർമ്മിച്ചിരിക്കുന്നത്. ഫെബ്രുവരി അവസാനമോ മാർച്ച് ആദ്യമോ ഈ വാഹനങ്ങളുടെ ഡെലിവറി ആരംഭിക്കുമെന്നാണ് പ്രതീക്ഷിക്കുന്നത്. മഹീന്ദ്രയുടെ പുതിയ ഇലക്ട്രിക്-ഒൺലി BE സബ് ബ്രാൻഡിന് കീഴിലുള്ള ആദ്യ മോഡലാണ് BE 6e.

Story Highlights: Mahindra renames electric SUV ‘BE 6e’ to ‘BE 6’ following Indigo’s trademark dispute in Delhi High Court