BYD Sealion 7 Electric SUV Launches in India Tomorrow

ലോകത്തിലെ ഏറ്റവും വലിയ ഇലക്ട്രിക് വാഹന നിർമാതാക്കളായ ബിൽഡ് യുവർ ഡ്രീംസ് (BYD) നാളെ ഇന്ത്യൻ വിപണിയിൽ സീലയൺ 7 എസ്യുവി അവതരിപ്പിക്കും. പ്രീമിയം, പെർഫോമൻസ് എന്നീ രണ്ട് വേരിയന്റുകളിലാണ് സീലയൺ 7 ലഭ്യമാകുക. ഏകദേശം 50 ലക്ഷം രൂപയായിരിക്കും എക്സ്ഷോറൂം വിലയെന്നാണ് റിപ്പോർട്ടുകൾ സൂചിപ്പിക്കുന്നത്. കഴിഞ്ഞ മാസം ഭാരത് മൊബിലിറ്റി ഷോയിൽ അവതരിപ്പിച്ച മോഡലാണ് ഇപ്പോൾ വിപണിയിലെത്തുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സീലയൺ 7ന്റെ ബുക്കിങ് നേരത്തെ തന്നെ 70,000 രൂപയ്ക്ക് ആരംഭിച്ചിരുന്നു. നാല് വ്യത്യസ്ത നിറങ്ങളിൽ വാഹനം ലഭ്യമാകും. ഫെബ്രുവരി 17നാണ് വാഹനം ഔദ്യോഗികമായി വിപണിയിൽ എത്തുക. ഇന്ത്യയിൽ കഴിഞ്ഞ മൂന്ന് വർഷത്തിനിടെ BYD പുറത്തിറക്കുന്ന നാലാമത്തെ പാസഞ്ചർ വാഹനമാണ് സീലയൺ 7.

മികച്ച ഫാസ്റ്റ്ബാക്ക് ഡിസൈൻ, ലോ-സ്ലംഗ് ബോണറ്റ് ഘടന, എയറോഡൈനാമിക് കോണ്ടൂർസ്, സിഗ്നേച്ചർ “ഓഷ്യൻ X” ഫ്രണ്ട് സ്റ്റൈലിംഗ് എന്നിവയാണ് സീലയൺ 7ന്റെ സവിശേഷതകൾ. 82. 56 KWh ശേഷിയുള്ള ബാറ്ററി പാക്കാണ് രണ്ട് വേരിയന്റുകളിലുമുള്ളത്. ഒറ്റ ചാർജിൽ 567 കിലോമീറ്റർ വരെ റേഞ്ച് കമ്പനി വാഗ്ദാനം ചെയ്യുന്നു.

ഷവോമി YU7 ഇലക്ട്രിക് എസ്യുവി വിപണിയിൽ: 835 കി.മീറ്റർ റേഞ്ചും മറ്റു സവിശേഷതകളും

സീൽ സെഡാനിൽ നിന്നും ധാരാളം ഘടകങ്ങൾ കടമെടുത്താണ് സീലയൺ 7 രൂപകൽപ്പന ചെയ്തിരിക്കുന്നത്. ഇന്റലിജന്റ് ടോർക്ക് ആക്ടീവ് കൺട്രോൾ (iTAC), വിപ്ലവകരമായ സെൽ ടു ബോഡി (CTB) ആർക്കിടെക്ച്ചർ തുടങ്ങിയ സാങ്കേതികവിദ്യകളും സീലയൺ 7ൽ ഉൾപ്പെടുത്തിയിട്ടുണ്ട്. ലോകത്തിലെ ആദ്യത്തെ 8-ഇൻ-1 ഇലക്ട്രിക് പവർട്രെയിനും ഈ എസ്യുവിയിലുണ്ട്. 4.

5 സെക്കൻഡിനുള്ളിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ സീലയൺ 7ന് സാധിക്കും. VCU, BMS, MCU, PDU, DC-DC കൺട്രോളർ, ഓൺബോർഡ് ചാർജർ, ഡ്രൈവ് മോട്ടോർ, ട്രാൻസ്മിഷൻ തുടങ്ങിയ ഘടകങ്ങളെ ഒരൊറ്റ പാക്കേജിലേക്ക് സംയോജിപ്പിക്കുന്നതാണ് 8-ഇൻ-1 ഇലക്ട്രിക് പവർട്രെയിനിന്റെ പ്രത്യേകത. സീൽ, ഇമാക്സ്, അറ്റോ 3 തുടങ്ങിയ മോഡലുകളുടെ വിജയത്തിന് ശേഷമാണ് BYD പുതിയ മോഡലായ സീലയൺ 7 ഇന്ത്യയിലേക്ക് എത്തിക്കുന്നത്. ഇന്ത്യൻ വിപണിയിൽ വില സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.

Story Highlights: BYD is launching its new electric SUV, the Sealion 7, in India tomorrow.