Maharashtra Budget 2024: NDA Government Announces Major Initiatives

നിയമസഭാ തെരഞ്ഞെടുപ്പിന് മുമ്പുള്ള അവസാന ബജറ്റിൽ മഹാരാഷ്ട്രയിലെ എൻഡിഎ സർക്കാർ വലിയ പ്രഖ്യാപനങ്ങൾ നടത്തി. മുംബൈ മേഖലയിൽ ഡീസലിന് രണ്ട് രൂപയും പെട്രോളിന് അറുപത്തിയഞ്ച് പൈസയും വില കുറച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്ത്രീകൾക്ക് പ്രതിമാസം 1500 രൂപ സാമ്പത്തിക സഹായം നൽകുമെന്നും അഞ്ചംഗ കുടുംബത്തിന് വർഷത്തിൽ മൂന്ന് സിലിണ്ടർ സൗജന്യമായി നൽകുമെന്നും ധനമന്ത്രി അജിത് പവാർ പ്രഖ്യാപിച്ചു. സ്ത്രീകൾക്കായി പതിനായിരം പിങ്ക് റിക്ഷകൾ വിതരണം ചെയ്യുമെന്നും അദ്ദേഹം അറിയിച്ചു.

കർഷകരുടെ വൈദ്യുതി കുടിശിക എഴുതിത്തള്ളുമെന്നും വിളനാശത്തിനുള്ള നഷ്ടപരിഹാരം ഇരട്ടിയാക്കുമെന്നും സർക്കാർ വ്യക്തമാക്കി. പെൺകുട്ടികൾക്ക് ഉന്നതവിദ്യാഭ്യാസത്തിനുള്ള സാമ്പത്തിക സഹായം ഉൾപ്പെടെ നിരവധി പദ്ധതികൾ ബജറ്റിൽ പ്രഖ്യാപിച്ചിട്ടുണ്ട്.