പ്രധാനമന്ത്രി നരേന്ദ്ര മോദിയെ പരിഹസിച്ചുകൊണ്ട് പ്രസിദ്ധീകരിച്ച കാർട്ടൂണിന്റെ പേരിൽ വികടൻ വെബ്സൈറ്റിന് ഏർപ്പെടുത്തിയ വിലക്ക് നീക്കണമെന്ന് മദ്രാസ് ഹൈക്കോടതി ഉത്തരവിട്ടു. വികടന്റെ അപ്പീലിൽ ഇടക്കാല ഉത്തരവായാണ് കോടതി ഇത് വ്യക്തമാക്കിയത്. കാർട്ടൂൺ അഭിപ്രായ സ്വാതന്ത്ര്യത്തിന്റെ പരിധിയിൽ വരുമോ എന്ന കാര്യം കോടതി വിശദമായി പരിശോധിക്കുമെന്നും അതുവരെ ഇടക്കാല ഉത്തരവ് നിലനിൽക്കുമെന്നും കോടതി വ്യക്തമാക്കി.
വികടൻ വെബ്സൈറ്റിലെ കാർട്ടൂൺ താൽക്കാലികമായി നീക്കം ചെയ്യണമെന്നും കോടതി നിർദേശിച്ചു. കാർട്ടൂൺ രാജ്യത്തിന്റെ പരമാധികാരത്തെ ഹനിക്കുന്നതായി തോന്നുന്നില്ലെന്നും കോടതി നിരീക്ഷിച്ചു. മാർച്ച് 21നാണ് കേസ് വീണ്ടും പരിഗണിക്കുന്നത്.
യു. എസ് പ്രസിഡന്റ് ഡൊണാൾഡ് ട്രംപിന് സമീപം കൈവിലങ്ങിട്ട് മോദി ഇരിക്കുന്നതായിരുന്നു വെബ്സൈറ്റിലെ മുഖചിത്രം. കാർട്ടൂൺ നീക്കം ചെയ്ത ശേഷം വാരിക കേന്ദ്രത്തെ അറിയിക്കണമെന്നും അതിനുശേഷം മാത്രമേ വെബ്സൈറ്റ് പുനഃസ്ഥാപിക്കുകയുള്ളൂ എന്നും കോടതി വ്യക്തമാക്കി.
ട്രംപുമായുള്ള കൂടിക്കാഴ്ചയിൽ, അനധികൃത ഇന്ത്യൻ കുടിയേറ്റക്കാരുടെ നാടുകടത്തൽ ചർച്ചയാക്കാത്തതിൽ വിയോജിപ്പ് പ്രകടിപ്പിച്ചായിരുന്നു വിമർശനം. ഈ കാർട്ടൂണിനെതിരെ കേന്ദ്രമന്ത്രി എൽ. മുരുഗൻ പരാതി നൽകിയിരുന്നു.
വെബ്സൈറ്റ് ആക്സസ് ചെയ്യാൻ കഴിയാതെ വന്നതിന് പിന്നാലെയാണ് കേന്ദ്ര സർക്കാർ നിരോധനം ഏർപ്പെടുത്തിയതായി സ്ഥിരീകരിച്ചത്. പ്രധാനമന്ത്രിയെ പരിഹസിച്ചതിന്റെ പേരിലായിരുന്നു വെബ്സൈറ്റിന് വിലക്ക് ഏർപ്പെടുത്തിയത്. ഈ വിഷയത്തിൽ വികടൻ നൽകിയ അപ്പീലിലാണ് മദ്രാസ് ഹൈക്കോടതിയുടെ ഇടക്കാല ഉത്തരവ്.
Story Highlights: Madras High Court orders lift of ban on Vikatan website imposed due to a cartoon satirizing PM Modi.
സ്ത്രീകളെയും ഹിന്ദു ദൈവങ്ങളെയും കുറിച്ചുള്ള വിവാദ പരാമർശങ്ങൾക്ക് തമിഴ്നാട് മന്ത്രി കെ. പൊൻമുടിക്കെതിരെ Read more
മഹാരാഷ്ട്ര ഉപമുഖ്യമന്ത്രി ഏക്നാഥ് ഷിന്ഡേയെ അപമാനിച്ചെന്ന കേസിൽ കുനാൽ കമ്രയ്ക്ക് മദ്രാസ് ഹൈക്കോടതി Read more
ഭാര്യ അശ്ലീല വീഡിയോകൾ കാണുന്നതും സ്വയംഭോഗം ചെയ്യുന്നതും ഭർത്താവിനോടുള്ള ക്രൂരതയല്ലെന്ന് മദ്രാസ് ഹൈക്കോടതി. Read more
മദ്രാസ് ഹൈക്കോടതി കന്നുകാലികളുടെ ഗതാഗതത്തിന് കർശന മാർഗനിർദേശങ്ങൾ പുറപ്പെടുവിച്ചു. കണ്ടെയ്നറുകളിൽ കാലികളെ കുത്തിനിറയ്ക്കുന്നത് Read more
ദാമ്പത്യ ജീവിതത്തിൽ പങ്കാളിയുടെ സ്വകാര്യതയിൽ ഇടപെടരുതെന്ന് മദ്രാസ് ഹൈക്കോടതി വ്യക്തമാക്കി. സ്വകാര്യത മൗലികാവകാശമാണെന്നും Read more
ഉദയനിധി സ്റ്റാലിന്റെ വസ്ത്രധാരണത്തെ ചോദ്യം ചെയ്ത് ഹര്ജി. ഭരണഘടനാ പദവിയുള്ളവരുടെ വസ്ത്രധാരണത്തെക്കുറിച്ച് സര്ക്കാര് Read more
കന്യാകുമാരി ജില്ലയിൽ വേശ്യാലയം സ്ഥാപിക്കാൻ സംരക്ഷണം തേടി അഭിഭാഷകൻ രാജ മുരുഗൻ സമർപ്പിച്ച Read more
