Lulu Group plans major investments in Andhra Pradesh

ആന്ധ്രാപ്രദേശിന്റെ വികസന പാതയിൽ പുതിയ അധ്യായം തുറക്കുന്നതിന് വഴിയൊരുക്കി ലുലു ഗ്രൂപ്പ് ചെയർമാൻ എം. എ. യൂസഫലി മുഖ്യമന്ത്രി എൻ. ചന്ദ്രബാബു നായിഡുവുമായി കൂടിക്കാഴ്ച നടത്തി. അമരാവതിയിലെ മുഖ്യമന്ത്രിയുടെ ഔദ്യോഗിക വസതിയിൽ നടന്ന ചർച്ചയിൽ സംസ്ഥാനത്ത് വിവിധയിടങ്ങളിലായി നിരവധി പദ്ധതികൾ ആരംഭിക്കാൻ ധാരണയായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തെലങ്കാനയ്ക്ക് പിന്നാലെ കിറ്റെക്സിനെ തേടി ആന്ധ്രയും; നാളെ മന്ത്രി കിഴക്കമ്പലത്തെത്തും

വിശാഖപട്ടണത്ത് എട്ട് സ്ക്രീനുകളുള്ള ഐമാക്സ് മൾട്ടിപ്ലക്സ് തീയറ്ററുകൾ ഉൾക്കൊള്ളുന്ന ഷോപ്പിങ് മാൾ സ്ഥാപിക്കാനും, തിരുപ്പതിയിലും വിജയവാഡയിലും ആഗോള നിലവാരത്തിലുള്ള ഹൈപ്പർമാർക്കറ്റുകൾ ആരംഭിക്കാനും തീരുമാനിച്ചു. കൂടാതെ, അത്യാധുനിക ഭക്ഷ്യസംസ്കരണ ലോജിസ്റ്റിക്സ് കേന്ദ്രങ്ങൾ സ്ഥാപിക്കാനും ധാരണയായി. ആന്ധ്രയിലേക്ക് മടങ്ങിവരാനുള്ള എം. എ യൂസഫലിയുടെ നിലപാട് സംസ്ഥാനത്തിന് ഊർജം പകരുന്നതാണെന്ന് ചന്ദ്രബാബു നായിഡു പ്രതികരിച്ചു. ലുലു ഗ്രൂപ്പിന് സർക്കാർ പൂർണപിന്തുണ നൽകുമെന്നും അദ്ദേഹം ഉറപ്പ് നൽകി.

തൊഴിൽ സമയം കൂട്ടി ആന്ധ്ര; മിനിമം വേതനം 10 മണിക്കൂർ

2019ൽ ലുലു ഗ്രൂപ്പ് 2200 കോടി രൂപയുടെ പദ്ധതികൾ ആന്ധ്രയിൽ പ്രഖ്യാപിച്ചിരുന്നെങ്കിലും, പിന്നീട് രാഷ്ട്രീയ കാരണങ്ങളാൽ അനുവദിച്ച ഭൂമി റദ്ദാക്കപ്പെട്ടിരുന്നു. ഇപ്പോഴത്തെ കൂടിക്കാഴ്ച ആന്ധ്രയുടെ വികസനത്തിന് പുതിയ ഉണർവ് നൽകുമെന്ന് പ്രതീക്ഷിക്കപ്പെടുന്നു.

തൊഴിൽ സമയം കൂട്ടി ആന്ധ്ര; മിനിമം വേതനം 10 മണിക്കൂർ