LIFE Housing Branding Issue: Minister Rajesh Criticizes Central Govt

ലൈഫ് മിഷൻ പദ്ധതിയിൽ കേന്ദ്രസർക്കാർ ബ്രാൻഡിംഗ് നിർബന്ധമാക്കുന്നത് ഗുണഭോക്താക്കളുടെ അന്തസ്സിനെ ബാധിക്കുമെന്ന് മന്ത്രി എം. ബി. രാജേഷ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വിഷയത്തിൽ കേന്ദ്രസർക്കാരിന്റെ നിലപാട് മനസ്സിലാകുന്നില്ലെന്നും അദ്ദേഹം കൂട്ടിച്ചേർത്തു. വീടുകളിൽ ബ്രാൻഡിംഗ് നടത്തുന്നത് ഗുണഭോക്താക്കളുടെ അന്തസ്സിനെ ബാധിക്കുമെന്ന് കേന്ദ്രമന്ത്രി മനോഹർ ലാൽ ഖട്ടറിനെ അറിയിച്ചിട്ടും അദ്ദേഹം അന്തസ്സുള്ളവർ എന്തിനാണ് അപേക്ഷിക്കുന്നതെന്ന് തിരിച്ചു ചോദിച്ചുവെന്ന് മന്ത്രി പറഞ്ഞു. മനുഷ്യന്റെ അഭിമാനവും അന്തസ്സും മനസ്സിലാകാത്തവരാണ് കേന്ദ്രം ഭരിക്കുന്നതെന്നും മന്ത്രി വിമർശിച്ചു.

ലഹരിവിരുദ്ധ പ്രവർത്തനങ്ങളിൽ സർക്കാരിന്റെ എൻഫോഴ്സ്മെന്റ് പരാജയപ്പെട്ടുവെന്ന പ്രതിപക്ഷ ആരോപണം അടിസ്ഥാനരഹിതമാണെന്ന് മന്ത്രി എം. ബി. രാജേഷ് വ്യക്തമാക്കി.

കേരളത്തിൽ രജിസ്റ്റർ ചെയ്യുന്ന കേസുകളിൽ ശിക്ഷിക്കപ്പെടുന്നവരുടെ എണ്ണത്തിൽ കേരളം മുന്നിലാണെന്നും ഉയർന്ന ശിക്ഷാ നിരക്ക് കുറ്റവാളികൾക്ക് ലഭിക്കുന്നുണ്ടെന്നും അദ്ദേഹം ചൂണ്ടിക്കാട്ടി. എന്ത് അസംബന്ധവും വിളിച്ചു പറയാമെന്ന് കരുതരുതെന്നും മന്ത്രി പ്രതിപക്ഷത്തെ ചോദ്യം ചെയ്തു. കെട്ടിട നിർമ്മാണ ചട്ടങ്ങളിൽ ഭേദഗതി വരുത്തുമെന്നും അഴിമതി മുക്ത തദ്ദേശ സ്ഥാപനങ്ങളാണ് സർക്കാരിന്റെ ലക്ഷ്യമെന്നും മന്ത്രി പറഞ്ഞു.

അബുദാബി കിരീടാവകാശിയുമായി മുഖ്യമന്ത്രിയുടെ കൂടിക്കാഴ്ച; കേരളത്തിലേക്ക് കൂടുതൽ നിക്ഷേപങ്ങൾ

മാലിന്യ സംസ്കരണത്തിന്റെ കാര്യത്തിൽ പ്രാദേശിക എതിർപ്പുകൾ വരുമ്പോൾ വോട്ട് നഷ്ടപ്പെടുമെന്ന് ഭയന്ന് മിണ്ടാതിരിക്കരുതെന്നും പ്രശ്നപരിഹാരത്തിന് മുൻഗണന നൽകണമെന്നും അദ്ദേഹം പറഞ്ഞു. കളമശ്ശേരിയിലെ സംഭവത്തെ രാഷ്ട്രീയമായി ഉപയോഗിക്കരുതെന്നും സാമൂഹിക വിപത്തായി കാണണമെന്നും മന്ത്രി പറഞ്ഞു. ലോകത്തെ മുഴുവൻ ലഹരി കടത്തിന്റെ ഉത്തരവാദിത്തവും സർക്കാരിന്റെ മേൽ ചാർത്താൻ പ്രതിപക്ഷം ശ്രമിക്കുകയാണെന്നും അദ്ദേഹം കുറ്റപ്പെടുത്തി.

Story Highlights: Kerala Minister M.B. Rajesh criticizes the central government’s insistence on branding for the LIFE Mission housing scheme, stating it compromises beneficiaries’ dignity.

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്