LDF's UR Pradeep wins Chelakkara Assembly bypoll by 12,122 votes

ചേലക്കരയിൽ എൽഡിഎഫ് വിജയം കൊയ്തു. എൽഡിഎഫ് സ്ഥാനാർത്ഥി യുആർ പ്രദീപ് 12,122 വോട്ടുകളുടെ ഭൂരിപക്ഷത്തിൽ ജയിച്ചു. യുആർ പ്രദീപിന് 64,259 വോട്ടുകൾ ലഭിച്ചപ്പോൾ യുഡിഎഫ് സ്ഥാനാർത്ഥി രമ്യ ഹരിദാസിന് 52,137 വോട്ടുകൾ മാത്രമാണ് നേടാനായത്. തുടക്കം മുതൽ അവസാനം വരെ എതിരാളികൾക്ക് മുന്നേറാൻ അവസരം നൽകാതെയായിരുന്നു യുആർ പ്രദീപിന്റെ വിജയം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1996 മുതൽ എൽഡിഎഫിന്റെ കോട്ടയായി മാറിയ ചേലക്കരയിൽ, യുഡിഎഫിന്റെ തിരിച്ചുപിടിക്കൽ ശ്രമം വീണ്ടും പരാജയപ്പെട്ടു. കോൺഗ്രസിന്റെ കുത്തക മണ്ഡലമായിരുന്ന ചേലക്കര, 1996-ൽ കെ രാധാകൃഷ്ണനിലൂടെ ഇടതുപക്ഷത്തേക്ക് ചാഞ്ഞു. പിന്നീട് രാധാകൃഷ്ണൻ ചേലക്കരക്കാരുടെ ‘രാധേട്ടനായി’ മാറിയതോടെ മണ്ഡലം ഇടതുകോട്ടയായി. 2016-ൽ രാധാകൃഷ്ണന് പകരക്കാരനായി യുആർ പ്രദീപ് കളത്തിലിറങ്ങി, ഇപ്പോൾ വീണ്ടും ചേലക്കരയുടെ തലവനായി തിരഞ്ഞെടുക്കപ്പെട്ടിരിക്കുന്നു.

കഴിഞ്ഞ നിയമസഭാ തിരഞ്ഞെടുപ്പിൽ കെ രാധാകൃഷ്ണൻ 39,400 വോട്ടിന്റെ ഭൂരിപക്ഷത്തിലാണ് ജയിച്ചത്. അന്ന് 9 പഞ്ചായത്തുകളിലും എൽഡിഎഫിന് ഭൂരിപക്ഷം ലഭിച്ചിരുന്നു. ഇത്തവണയും ചേലക്കരയിലെ ജനങ്ങൾ എൽഡിഎഫിനോടൊപ്പം നിന്നു. രമ്യ ഹരിദാസിലൂടെ മണ്ഡലം തിരിച്ചുപിടിക്കാനുള്ള കോൺഗ്രസിന്റെ ശ്രമം വിഫലമായി. ചെങ്കോട്ടയായ ചേലക്കര പിടിച്ചെടുക്കാമെന്ന യുഡിഎഫിന്റെ പ്രതീക്ഷകൾക്ക് തിരിച്ചടിയാണ് ഈ തിരഞ്ഞെടുപ്പ് ഫലം നൽകിയിരിക്കുന്നത്.

ഖദർ ധരിക്കുന്നയാളാണ്, പക്ഷെ ഖദർ മാത്രം ധരിക്കുന്ന ആളല്ല; നിലപാട് വ്യക്തമാക്കി അബിൻ വർക്കി

Story Highlights: LDF’s UR Pradeep wins Chelakkara Assembly bypoll with a margin of 12,122 votes

ടി കെ അഷ്റഫിനെ സസ്പെൻഡ് ചെയ്തതിൽ സർക്കാരിനെതിരെ ആഞ്ഞടിച്ച് പി കെ ഫിറോസ്