Kuwait warns against fake traffic fine messages, urges caution

കുവൈറ്റ് ആഭ്യന്തര മന്ത്രാലയം ഗതാഗത നിയമലംഘനങ്ങൾക്കുള്ള പിഴ അടയ്ക്കാൻ ആവശ്യപ്പെടുന്ന വ്യാജ സന്ദേശങ്ങൾക്കെതിരെ ജനങ്ങൾക്ക് മുന്നറിയിപ്പ് നൽകിയിരിക്കുകയാണ്. കഴിഞ്ഞ ദിവസങ്ങളിൽ നിരവധി ആളുകൾക്ക് ട്രാഫിക് പിഴകൾ അടയ്ക്കാൻ ആവശ്യപ്പെട്ടുകൊണ്ട് വ്യാപകമായി എസ്എംഎസ് സന്ദേശങ്ങൾ ലഭിച്ചതിനെ തുടർന്നാണ് ഈ നടപടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അധികൃതർ വ്യക്തമാക്കിയതനുസരിച്ച്, ഗതാഗത നിയമലംഘനങ്ങൾക്കുള്ള പിഴകൾ അടയ്ക്കുന്നതിന് സർക്കാർ അംഗീകൃത ആപ്ലിക്കേഷനായ സഹൽ വഴിയോ, അല്ലെങ്കിൽ ആഭ്യന്തര മന്ത്രാലയത്തിന്റെ ഔദ്യോഗിക പ്ലാറ്റ്ഫോമുകൾ വഴിയോ മാത്രമേ സന്ദേശങ്ങൾ അയയ്ക്കുകയുള്ളൂ. മറ്റ് നമ്പറുകളിൽ നിന്നോ, ലിങ്കുകൾ വഴിയോ ആഭ്യന്തര മന്ത്രാലയം അറിയിപ്പുകളോ സന്ദേശങ്ങളോ അയയ്ക്കുന്നില്ലെന്നും അവർ ഊന്നിപ്പറഞ്ഞു.

ഈ മുന്നറിയിപ്പ് വരാൻ കാരണമായത് കഴിഞ്ങ ദിവസങ്ങളിൽ പലർക്കും ഔദ്യോഗികമെന്ന് തോന്നിപ്പിക്കുന്ന തരത്തിലുള്ള ലിങ്കുകൾ വഴി ട്രാഫിക് പിഴ അടയ്ക്കാൻ ആവശ്യപ്പെട്ടുകൊണ്ടുള്ള സന്ദേശങ്ങൾ വ്യാപകമായി ലഭിച്ചതാണ്. ഇത്തരം വ്യാജ സന്ദേശങ്ങൾ ഒഴിവാക്കാനും, ഔദ്യോഗിക മാർഗങ്ങൾ മാത്രം ഉപയോഗിക്കാനും ജനങ്ങൾ ശ്രദ്ധിക്കണമെന്ന് അധികൃതർ അഭ്യർത്ഥിച്ചു. ഈ മുന്നറിയിപ്പ് കുവൈറ്റിലെ വാഹന ഉടമകൾക്കും യാത്രക്കാർക്കും സുരക്ഷിതമായി ഗതാഗത നിയമങ്ങൾ പാലിക്കാനും, അനാവശ്യ സാമ്പത്തിക നഷ്ടം ഒഴിവാക്കാനും സഹായകമാകും.