Kuttampuzha Elephant Attack: Compensation for Eldos' Family

കുട്ടമ്പുഴ ഉരുളന്തണ്ണിയില് കാട്ടാന ആക്രമണത്തില് ദാരുണമായി കൊല്ലപ്പെട്ട എല്ദോസിന്റെ കുടുംബത്തിന് സര്ക്കാര് നഷ്ടപരിഹാരം കൈമാറി. സംസ്ഥാന സര്ക്കാര് വാഗ്ദാനം ചെയ്ത പത്ത് ലക്ഷം രൂപയില് ആദ്യ ഗഡുവായി അഞ്ച് ലക്ഷം രൂപയുടെ ചെക്കാണ് പഞ്ചായത്ത് അധികൃതര് കുടുംബത്തിന് നല്കിയത്. ബാക്കിയുള്ള തുക 27-ാം തീയതിക്കകം വിതരണം ചെയ്യുമെന്ന് ജില്ലാ കളക്ടര് ഉറപ്പ് നല്കിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കാട്ടാന ശല്യം രൂക്ഷമായ പിണവൂര്കുടി മേഖലയില് സുരക്ഷാ നടപടികള് ശക്തമാക്കിയിരിക്കുകയാണ്. 8 കിലോമീറ്റര് ദൂരപരിധിയില് ട്രഞ്ച് നിര്മ്മാണത്തിനുള്ള സര്വേ പ്രവര്ത്തനങ്ങള് പുരോഗമിക്കുന്നു. നിര്മ്മാണ പ്രവൃത്തികള് വേഗത്തില് പൂര്ത്തിയാക്കണമെന്നാണ് നാട്ടുകാരുടെ ആവശ്യം. കൂടാതെ, ഫെന്സിങ് സ്ഥാപിക്കുന്നതിനുള്ള നടപടികളും ഉടന് ആരംഭിക്കുമെന്ന് വനം വകുപ്പ് അധികൃതര് അറിയിച്ചു.

സംഭവത്തെക്കുറിച്ച് പ്രതികരിച്ച മന്ത്രി എ.കെ. ശശീന്ദ്രന്, ഇത് അത്യന്തം ദൗര്ഭാഗ്യകരവും ഹൃദയവേദനാജനകവുമായ സംഭവമാണെന്ന് പറഞ്ഞു. എല്ദോസിന്റെ മരണവുമായി ബന്ധപ്പെട്ട് ഉയര്ന്ന ജനരോഷം സ്വാഭാവികമാണെന്നും, ഒരു ചെറുപ്പക്കാരന് ഇത്തരത്തില് കൊല്ലപ്പെടുന്നത് ആര്ക്കും അംഗീകരിക്കാനാവില്ലെന്നും അദ്ദേഹം കൂട്ടിച്ചേര്ത്തു. സംഭവത്തെക്കുറിച്ച് വിശദമായ അന്വേഷണം നടത്താന് എറണാകുളം ജില്ലാ കളക്ടര്ക്ക് നിര്ദേശം നല്കിയതായും മന്ത്രി വ്യക്തമാക്കി.

ദിയ കൃഷ്ണകുമാറിന്റെ സ്ഥാപനത്തിലെ സാമ്പത്തിക തട്ടിപ്പ്: ജീവനക്കാരുടെ ജാമ്യഹർജിയെ എതിർത്ത് ക്രൈംബ്രാഞ്ച്

Story Highlights: Compensation handed over to the family of Eldos, killed in wild elephant attack in Kuttampuzha

സര്ക്കാര് രേഖകളില് ഇനി ‘ചെയര്പേഴ്സണ്’; ലിംഗസമത്വവുമായി ബന്ധപ്പെട്ട് പുതിയ ഉത്തരവിറക്കി