കുട്ടമ്പുഴയിൽ കാട്ടാന ചവിട്ടി കൊലപ്പെടുത്തിയ എൽദോസിന്റെ മൃതദേഹം മാറ്റാൻ നാട്ടുകാർ അനുവദിച്ചത് ആറ് മണിക്കൂർ നീണ്ട പ്രതിഷേധത്തിനൊടുവിലാണ്. കലക്ടർ എൻഎസ്കെ ഉമേഷിന് നാട്ടുകാരുടെ ശക്തമായ പ്രതിഷേധം നേരിടേണ്ടി വന്നു. പ്രശ്നങ്ങൾക്ക് പരിഹാരമുണ്ടാക്കുമെന്ന കലക്ടറുടെ ഉറപ്പിന്റെ അടിസ്ഥാനത്തിലാണ് താൽകാലികമായി പ്രതിഷേധം അവസാനിപ്പിച്ചത്.
രാത്രി എട്ടരയോടെ എൽദോസ് ക്ണാച്ചേരിയിലെത്തിയപ്പോൾ വീട്ടിലേയ്ക്കുള്ള യാത്രയിൽ ആനയുടെ ആക്രമണത്തിൽ മൃതദേഹം ഛിന്നഭിന്നമായി. ഒൻപത് മണിയോടെ നാട്ടുകാർ സംഘടിച്ചെത്തി മൃതദേഹം എടുക്കാൻ അനുവദിയ്ക്കാതെ പ്രതിഷേധം ആരംഭിച്ചു. ഫെൻസിങ്, ട്രഞ്ചിങ്, തെരുവു വിളക്കുകൾ ഉൾപ്പെടെയുള്ള പ്രശ്നങ്ങളെ കുറിച്ച് രൂക്ഷമായി പ്രതികരിച്ചു.
റേഞ്ച് ഓഫിസറും പൊലീസും സ്ഥലത്തെത്തിയെങ്കിലും മന്ത്രിയെത്താതെ പ്രതിഷേധം അവസാനിപ്പിയ്ക്കില്ലെന്നായിരുന്നു നാട്ടുകാരുടെ നിലപാട്. പന്ത്രണ്ട് മണിയോടെ കലക്ടർ എൻഎസ്കെ ഉമേഷും ആന്റണി ജോൺ എംഎൽഎയും സ്ഥലത്തെത്തി. മൃതദേഹം എടുക്കാൻ അനുവദിയ്ക്കണമെന്ന് ആവശ്യപ്പെട്ടെങ്കിലും പ്രശ്നങ്ങൾ പരിഹരിയ്ക്കാതെ മൃതദേഹം കൊണ്ടുപോകാൻ അനുവദിയ്ക്കില്ലെന്ന് നാട്ടുകാർ വാശിപിടിച്ചു. പൊലീസിന്റെ മൃതദേഹം മാറ്റാനുള്ള ശ്രമം നാട്ടുകാർ തടഞ്ഞതോടെ സംഘർഷമുണ്ടായി.
പിന്നീട് നാട്ടുകാരുമായും എൽദോസിന്റെ വീട്ടുകാരുമായും നടത്തിയ ചർച്ചയിൽ കലക്ടർ എല്ലാ ആവശ്യങ്ങളും അംഗീകരിയ്ക്കാമെന്ന് ഉറപ്പ് നൽകി. കുടുംബത്തിന് പത്ത് ലക്ഷം രൂപ അടിയന്തര സഹായം, ട്രഞ്ചിങ് ഉടൻ ആരംഭിയ്ക്കൽ, സോളാർ ഫെൻസിങ് ശനിയാഴ്ചയ്ക്കകം തുടങ്ങൽ, തെരുവുവിളക്കുകൾ അഞ്ചു ദിവസത്തിനകം സ്ഥാപിയ്ക്കൽ, ആർആർടിയ്ക്ക് വാഹനസൗകര്യം എന്നിവ ഉൾപ്പെടെയുള്ള എല്ലാ ആവശ്യങ്ങളും കലക്ടർ അംഗീകരിച്ചതോടെ നാട്ടുകാർ പ്രതിഷേധം അവസാനിപ്പിച്ചു.
പുലർച്ചെ രണ്ട് മണിയോടെ കലക്ടർ എൽദോസിന്റെ കുടുംബത്തിന് ചെക്ക് കൈമാറിയതിനു ശേഷമാണ് മൃതദേഹം ആശുപത്രിയിലേയ്ക്ക് മാറ്റിയത്. എന്നാൽ, ആവശ്യങ്ങൾ നടപ്പാകുന്നത് വരെ പ്രതിഷേധം തുടരാനാണ് ജനകീയ സമിതിയുടെ തീരുമാനം. ഇന്ന് ഹർത്താലും പ്രതിഷേധ സംഗമവും നടത്തുമെന്നും അറിയിച്ചിട്ടുണ്ട്.
Story Highlights: Kuttampuzha elephant attack victim’s body released after 6-hour protest, collector promises solutions
പ്രതിഷേധങ്ങൾ ശക്തമായതിനെ തുടർന്ന് നേപ്പാളിൽ സാമൂഹ്യ മാധ്യമ ആപ്പുകൾക്ക് ഏർപ്പെടുത്തിയിരുന്ന നിരോധനം നീക്കി. Read more
നേപ്പാളിൽ സമൂഹമാധ്യമ നിരോധനത്തിനെതിരെ യുവാക്കളുടെ പ്രതിഷേധം ശക്തമാകുന്നു. പ്രതിഷേധം വ്യാപകമായതിനെ തുടർന്ന് ആഭ്യന്തര Read more
ആലപ്പുഴ ഹരിപ്പാട് ആനയുടെ കുത്തേറ്റ് പാപ്പാൻ മരിച്ചു. തെങ്ങമം സ്വദേശി മുരളീധരൻ നായരാണ് Read more
ആലപ്പുഴയിൽ മദപ്പാടിലായിരുന്ന ആന പാപ്പാനെ കുത്തി പരുക്കേൽപ്പിച്ചു. ഹരിപ്പാട് സ്കന്ദൻ എന്ന ആനയാണ് Read more
തിരുവനന്തപുരം ജനറൽ ആശുപത്രിയിലെ ശസ്ത്രക്രിയാ പിഴവുമായി ബന്ധപ്പെട്ട് കേസ് രജിസ്റ്റർ ചെയ്തതിന് പിന്നാലെ Read more
മലപ്പുറം കിഴക്കെ ചാത്തല്ലൂരിൽ കാട്ടാനയുടെ ആക്രമണത്തിൽ 68 വയസ്സുള്ള വയോധിക കൊല്ലപ്പെട്ടു. വീടിന് Read more
സെക്രട്ടറിയേറ്റ് പടിക്കൽ ആശ വർക്കർമാർ നടത്തുന്ന സമരം 192 ദിവസം പിന്നിട്ടു. ഇന്ന് Read more
തമിഴ്നാട്ടിലെ ബിരുദദാന ചടങ്ങിൽ ഗവർണർക്കെതിരെ പ്രതിഷേധം. ഗവർണർ ആർ.എൻ. രവിയിൽ നിന്ന് സർട്ടിഫിക്കറ്റ് Read more
മാഞ്ചസ്റ്റർ യുണൈറ്റഡിന്റെ പ്രീമിയർ ലീഗ് സീസണിലെ ആദ്യ മത്സരത്തോടനുബന്ധിച്ച് നടത്താനിരുന്ന പ്രതിഷേധ മാർച്ച് Read more
വയനാട് ചൂരാൽമലയിൽ കാട്ടാന ശല്യം രൂക്ഷമായതിനെ തുടർന്ന് നാട്ടുകാർ മുണ്ടക്കൈ ഫോറസ്റ്റ് സ്റ്റേഷൻ Read more
