Kunhalikutty Accuses Kerala CM of Election Motives in Thangal Remarks

പാണക്കാട് സാദിഖലി തങ്ങള്ക്കെതിരായ മുഖ്യമന്ത്രിയുടെ പരാമര്ശം തെരഞ്ഞെടുപ്പ് മുന്നില് കണ്ടുള്ളതാണെന്ന് മുസ്ലിംലീഗ് ദേശീയ ജനറല് സെക്രട്ടറി പി.കെ കുഞ്ഞാലിക്കുട്ടി ആരോപിച്ചു. പാലക്കാട്ടെ പത്രപരസ്യത്തിലൂടെ ജനങ്ങളെ ഭിന്നിപ്പിക്കാനാണ് ശ്രമമെന്നും, ബിജെപിക്ക് വേണ്ടിയാണ് സിപിഐഎം വര്ത്തമാനം പറയുന്നതെന്നും അദ്ദേഹം കുറ്റപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുനമ്പത്ത് സമാധാനത്തിന് വേണ്ടി ശ്രമിക്കുകയാണ് സാദിക് അലി തങ്ങളെന്ന് കുഞ്ഞാലിക്കുട്ടി വ്യക്തമാക്കി. അങ്ങാടിപ്പുറം ക്ഷേത്രത്തിന്റെ വാതില് ആരോ തീ ഇട്ടപ്പോള് പാണക്കാട് തങ്ങള് അവിടെ പോയതും ഇതുപോലുള്ള കാര്യമാണെന്ന് അദ്ദേഹം ചൂണ്ടിക്കാട്ടി. മുനമ്പം വിഷയത്തില് തങ്ങളുടെ ഇടപെടലില് നിന്ന് ശ്രദ്ധ തിരിക്കാനാണ് ഇപ്പോഴത്തെ തങ്ങള്ക്ക് എതിരായ വിമര്ശനമെന്നും അദ്ദേഹം ആരോപിച്ചു.

സുപ്രഭാതം പത്രത്തിലെ പരസ്യത്തില് സമസ്തക്ക് ബന്ധമില്ലെന്ന് പറഞ്ഞു കഴിഞ്ഞതായി കുഞ്ഞാലിക്കുട്ടി പറഞ്ഞു. കേരളത്തില് ഇതുവരെ ആരും ചെയ്തിട്ടില്ലാത്ത പരസ്യമാണ് എല്ഡിഎഫ് കൊടുത്തതെന്നും, ആ പരസ്യം ബിജെപിയെ സഹായിക്കാനായിരുന്നുവെന്നും അദ്ദേഹം കുറ്റപ്പെടുത്തി. സന്ദീപ് വാര്യര് ബിജെപി വിട്ടതിന് എന്തിനാണ് ഇവര് കയര് പൊട്ടിക്കുന്നതെന്നും അദ്ദേഹം ചോദിച്ചു.

ഫസൽ വധക്കേസ് പ്രതി കാരായി ചന്ദ്രശേഖരൻ തലശ്ശേരിയിൽ സ്ഥാനാർത്ഥി

Story Highlights: Muslim League leader Kunhalikutty criticizes Kerala CM’s remarks against Thangal, alleges election motives

എസ്.ഐ.ആറിനെതിരെ മുസ്ലിം ലീഗ് സുപ്രീം കോടതിയിൽ; അടിയന്തരമായി നടപടികൾ നിർത്തിവയ്ക്കണമെന്ന് ആവശ്യം