K T Jaleel responds to P V Anwar's allegations against CPI(M)

സംസ്ഥാനത്തെ ആഭ്യന്തര വകുപ്പിനേയും സിപിഐഎമ്മിനേയും സംബന്ധിച്ച് പി വി അന്വര് എംഎല്എ ഉന്നയിച്ച ഗുരുതര ആരോപണങ്ങളില് കെ ടി ജലീല് പ്രതികരിച്ചു. അജിത് കുമാറുമായി ബന്ധപ്പെട്ട ആരോപണങ്ങളില് അന്വറിനെ പൂര്ണമായി തള്ളാതെയാണ് ജലീലിന്റെ പ്രതികരണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അജിത് കുമാറിനെതിരായ ആരോപണങ്ങളോട് യോജിപ്പാണെന്ന് ജലീല് വ്യക്തമാക്കി. പൊലീസില് കുറച്ചുകാലമായി വര്ഗീയവത്കരണം നടക്കുന്നുവെന്നും അത് വസ്തുതയാണെന്നും ജലീല് കൂട്ടിച്ചേര്ത്തു.

ബിജെപി കേന്ദ്രത്തില് അധികാരത്തില് വന്നശേഷം പൊലീസില് വര്ഗീയവത്കരണം നടക്കുന്നതായി താന് മുന്പും പറഞ്ഞിരുന്നതാണെന്ന് ജലീല് ചൂണ്ടിക്കാട്ടി. ഐപിഎസ് റാങ്കിലുള്ള ഉദ്യോഗസ്ഥരിലാണ് ഇത് കൂടുതലായി കാണുന്നതെന്നും അദ്ദേഹം പറഞ്ഞു.

അജിത് കുമാറിന് അപ്പുറം അന്വര് നടത്തിയ ആരോപണങ്ങളോടുള്ള പ്രതികരണം ഒക്ടോബര് രണ്ടിന് അറിയിക്കുമെന്നും ജലീല് വ്യക്തമാക്കി. മുഖ്യമന്ത്രിക്ക് ആഭ്യന്തരവകുപ്പ് മന്ത്രിയായി തുടരാന് അര്ഹതയില്ലെന്നും മുഖ്യമന്ത്രിയുടെ ഓഫീസ് അഗ്നിപര്വതത്തിന് മുകളിലാണെന്നും അന്വര് ആരോപിച്ചിരുന്നു.

തൃശൂര് പൂരം അലങ്കോലപ്പെടുത്തിയ സംഭവത്തില് സര്ക്കാരിനേയും മുഖ്യമന്ത്രിയേയും സംശയത്തില് നിര്ത്തുന്ന പ്രതികരണവും അന്വര് നടത്തിയിരുന്നു. തൃശൂരില് ബിജെപിക്ക് സീറ്റുനേടാനാണ് അജിത് കുമാര് പൂരം കലക്കിയതെന്നും ആരുടെയെങ്കിലും നിര്ദേശം അനുസരിച്ചാകാം അജിത് ഇത് ചെയ്തതെന്നും അന്വര് ആരോപിച്ചു.

ആശാ വർക്കർമാരുടെ സമരം: സർക്കാരുമായി നാളെ വീണ്ടും ചർച്ച

Story Highlights: K T Jaleel responds to P V Anwar’s allegations against Home Department and CPI(M), partially agreeing with claims about Ajith Kumar

സിപിഐഎം പാർട്ടി കോൺഗ്രസ്: കേരള ഭരണത്തിന് കരുത്തു പകരുമെന്ന് ഇ പി ജയരാജൻ