മലയാള സർവകലാശാല ഭൂമിയിടപാട് വിവാദത്തിൽ യൂത്ത് ലീഗ് സംസ്ഥാന ജനറൽ സെക്രട്ടറി പി കെ ഫിറോസിൻ്റെ ആരോപണങ്ങൾക്ക് മറുപടിയുമായി കെ ടി ജലീൽ രംഗത്ത്. ലീഗിലെ പുഴുക്കുത്തായ “മായാവി” നടത്തുന്ന കള്ളക്കളിയാണ് മലയാളം സർവകലാശാല ഭൂമി വിവാദമെന്ന് കെ ടി ജലീൽ ഫേസ്ബുക്കിൽ കുറിച്ചു. അനധികൃത സ്വത്ത് സമ്പാദനത്തെക്കുറിച്ചുള്ള ആരോപണങ്ങൾക്ക് മറുപടി നൽകുന്നതിന് പകരം യൂത്ത് ലീഗ് നേതാവ് വിഷയം മാറ്റാൻ ശ്രമിക്കുന്നുവെന്നും അദ്ദേഹം ആരോപിച്ചു. ഫേസ്ബുക്ക് പോസ്റ്റിലൂടെയാണ് കെ ടി ജലീൽ തൻ്റെ പ്രതികരണം അറിയിച്ചത്.
കെ.ടി. ജലീലിന്റെ പ്രതികരണം അദ്ദേഹത്തിന്റെ ഫേസ്ബുക്ക് പോസ്റ്റിൽ വിശദമായി നൽകിയിട്ടുണ്ട്. യൂത്ത് ലീഗ് ഉന്നയിച്ച ആരോപണങ്ങളെ അദ്ദേഹം ഖണ്ഡിച്ചു. ഇതിൽ പ്രധാനമായി ഉന്നയിക്കുന്നത്, യുഡിഎഫ് ഭരണകാലത്ത് മലയാളം സർവകലാശാലയ്ക്ക് ഭൂമി ഏറ്റെടുക്കാൻ ഉത്തരവിട്ടതാണെങ്കിൽ എന്തിനാണ് കളക്ടർ അതിന്റെ സാക്ഷ്യപത്രം ഉടമകൾക്ക് നൽകിയത് എന്നതാണ്. കൂടാതെ, ഭൂമി ഏറ്റെടുക്കുന്നതിനായി 25 കോടി രൂപ അനുവദിക്കാൻ കളക്ടർ ഉന്നത വിദ്യാഭ്യാസ വകുപ്പിന് അപേക്ഷ നൽകിയത് എന്തിനാണെന്നും അദ്ദേഹം ചോദിക്കുന്നു.
ജലീലിന്റെ ഫേസ്ബുക്ക് പോസ്റ്റിൽ, ആതവനാട് വില്ലേജിൽ 100 ഏക്കർ ഭൂമി സർവ്വകലാശാലയ്ക്കായി ഏറ്റെടുക്കാൻ സർക്കാർ ആദ്യ ഉത്തരവ് പുറപ്പെടുവിച്ചത് യുഡിഎഫ് ഭരണകാലത്താണ് (GO No 537 / 2012 / HED dt:31.10.2012). എന്നാൽ പ്രസ്തുത ഭൂമി സർവ്വേ നടത്തുവാൻ ഒരു സംഘം ആളുകളും ഭൂമാഫിയയും അനുവദിച്ചില്ല. തുടർന്ന് സ്പെഷ്യൽ തഹസിൽദാർ ഇത് കളക്ടറെ അറിയിച്ചതിനെ തുടർന്നാണ് സർവകലാശാല മറ്റ് സ്ഥലങ്ങൾ അന്വേഷിക്കാൻ തുടങ്ങിയതെന്നും അദ്ദേഹം പറയുന്നു.
രണ്ടാമതായി കണ്ടെത്തിയ തിരൂർ തുഞ്ചൻ പറമ്പിന് അടുത്തുള്ള ഏറ്റിരിക്കടവിലെ 10 ഏക്കർ സ്ഥലത്തിന്റെ സമ്മതപത്രം നൽകാൻ ഉടമയും സർവകലാശാലയും തീരുമാനിച്ചിരുന്നതിന്റെ തലേദിവസം അന്നത്തെ തിരൂർ എം.എൽ.എ കുടി പങ്കാളിയായ ശിഹാബ് തങ്ങൾ ട്രസ്റ്റിന് കൈമാറുവാൻ ഉടമകൾ തീരുമാനിച്ചു. പിന്നീട് വൈസ് ചാൻസലർക്ക് എം.എൽ.എ ശ്രീ സി മമ്മുട്ടി കാണിച്ചു കൊടുത്ത സ്ഥലമാണ് ഇപ്പോൾ സർവകലാശാലക്കായി ഏറ്റെടുത്ത മാങ്ങാട്ടിരിയിലെ 6.80 ഏക്കർ സ്ഥലം. ഇത് സംബന്ധിച്ച് അന്നത്തെ വൈസ് ചാൻസലർ ശ്രീ കെ ജയകുമാർ, UDF കാലത്തെ ചീഫ് സെക്രട്ടറിയായിരുന്ന ശ്രീ കെ.എം അബ്രഹാമിന് കത്തയച്ചിരുന്നു.
അതേസമയം, യുഡിഎഫ് സർക്കാരിന്റെ കാലത്ത് ഒരു ഭൂമി ഏറ്റെടുക്കുന്നതിനുള്ള ഉത്തരവ് മാത്രമാണ് ഇറങ്ങിയതെന്ന ആരോപണവും ജലീൽ നിഷേധിച്ചു. ആതവനാടുള്ള അലിയുടെയും മറ്റ് നാലുപേരുടെയും ഭൂമി മലയാള സർവകലാശാല ഏറ്റെടുക്കണമെന്ന് ആവശ്യപ്പെട്ട് അവർ ഹൈക്കോടതിയിൽ ഫയൽ ചെയ്ത ഹർജിയിൽ സിംഗിൾ ബെഞ്ച് വിധിക്കെതിരെ അപ്പീൽ ഫയൽ ചെയ്യണമെന്ന് എ.ജിയുടെയും മലയാള സർവകലാശാല സ്റ്റാൻഡിങ് കൗൺസിലിന്റെയും ഉപദേശങ്ങൾ അംഗീകരിച്ചാണ് സർക്കാരും സർവകലാശാലയും കോടതിയെ സമീപിച്ചത്. ഇതിൽ തനിക്ക് പങ്കുണ്ടെന്ന് തെളിയിക്കുന്ന ഒരു രേഖയുമില്ലെന്നും ജലീൽ കൂട്ടിച്ചേർത്തു.
കേരള ഹൈക്കോടതി ചീഫ് ജസ്റ്റിസ് അദ്ധ്യക്ഷനായ ബെഞ്ചിന്റെ വിധി നിർണായകമാണ്. സിംഗിൾ ബെഞ്ച് വിധിക്കെതിരെ അന്ന് സർക്കാർ അപ്പീൽ ഫയൽ ചെയ്തില്ലായിരുന്നെങ്കിൽ ഇപ്പോഴും അതൊരു നിയമ പ്രശ്നമായി അവശേഷിക്കുമായിരുന്നു. എല്ലാ നിയമപരമായ കടമ്പയും കടന്നാണ് എൽഡിഎഫ് ഭരണ കാലത്ത് മലയാളം സർവകലാശാലക്കുള്ള ഭൂമി ഏറ്റെടുത്തതെന്നും അദ്ദേഹം കൂട്ടിച്ചേർത്തു.
ചങ്കൂറ്റമുണ്ടെങ്കിൽ നിയമനടപടി സ്വീകരിക്കാനും കേസ് വാദിക്കാൻ ഹരീഷ് വാസുദേവൻ ഉള്ളപ്പോൾ കാശില്ലാതെ വാദിക്കാമെന്നും ജലീൽ വെല്ലുവിളിച്ചു.
story_highlight:KT Jaleel responds to PK Firos’ allegations regarding the Malayalam University land deal, accusing the Youth League leader of diverting attention from his own wrongdoings.
കാലിക്കറ്റ് സർവ്വകലാശാല വിസി നിയമനത്തിൽ ഗവർണറെ വിമർശിച്ച് മന്ത്രി ആർ ബിന്ദു. ഗവർണർക്ക് Read more
ഇ.പി. ജയരാജന്റെ ആത്മകഥയിൽ സി.പി.ഐ.എം നേതൃത്വത്തിനെതിരെ പരോക്ഷ വിമർശനം. വൈദേകം റിസോർട്ട് വിവാദം Read more
തൃശ്ശൂരിൽ മുൻ കോൺഗ്രസ് നേതാവ് ഭാസ്കരൻ കെ മാധവൻ ബിജെപിയിൽ ചേർന്നു. കോൺഗ്രസിനോടുള്ള Read more
തിരുവനന്തപുരം നഗരസഭാ തിരഞ്ഞെടുപ്പിൽ യുഡിഎഫ് സ്ഥാനാർത്ഥിയായി മത്സരിക്കുന്നതിൽ സന്തോഷമുണ്ടെന്ന് കെ.എസ്. ശബരീനാഥൻ. തിരുവനന്തപുരം Read more
പി.എം ശ്രീ ധാരണാപത്രത്തിൽ സംഭവിച്ച വീഴ്ച സി.പി.ഐ.എം സമ്മതിച്ചു. മന്ത്രിസഭയിലും മുന്നണിയിലും ചർച്ച Read more
മുഖ്യമന്ത്രിക്കെതിരായ അധിക്ഷേപ പരാമർശത്തിൽ പി.എം.എ സലാമിനെതിരെ പോലീസ് കേസ്. സി.പി.ഐ.എം പ്രവർത്തകൻ മുഹമ്മദ് Read more
കെ.എസ്. ശബരീനാഥന്റെ സ്ഥാനാർത്ഥിത്വത്തെക്കുറിച്ച് തനിക്കൊന്നും അറിയില്ലെന്നും അത് പ്രാദേശിക വിഷയമാണെന്നും കെപിസിസി അധ്യക്ഷൻ Read more
മുഖ്യമന്ത്രി പിണറായി വിജയനെതിരായ പി.എം.എ. സലാമിന്റെ വിവാദ പരാമർശത്തിൽ മുസ്ലിം ലീഗിന്റെ നിലപാട് Read more
മുൻ എംഎൽഎ കെ എസ് ശബരീനാഥൻ തദ്ദേശ തിരഞ്ഞെടുപ്പിൽ മത്സരിക്കുമെന്ന് കെ മുരളീധരൻ. Read more
മുൻ എംഎൽഎ കെ.എസ്. ശബരീനാഥനെ തദ്ദേശ തിരഞ്ഞെടുപ്പിൽ സ്ഥാനാർഥിയാക്കാൻ കോൺഗ്രസ് ആലോചിക്കുന്നു. തിരുവനന്തപുരം Read more
