തിരുവനന്തപുരം◾: തദ്ദേശ സ്വയംഭരണ തെരഞ്ഞെടുപ്പുകളിലെ സ്ഥാനാർത്ഥി നിർണയവുമായി ബന്ധപ്പെട്ട് കെ.എസ്.യുവിന് അതൃപ്തി. അതേസമയം, തിരുവനന്തപുരം കോർപ്പറേഷൻ മുട്ടട വാർഡ് സ്ഥാനാർത്ഥി വൈഷ്ണ സുരേഷിനെതിരെ കള്ളവോട്ട് ആരോപണവും ഉയർന്നിട്ടുണ്ട്. ഈ രണ്ട് വിഷയങ്ങളും നിലവിൽ രാഷ്ട്രീയ ചർച്ചകൾക്ക് വഴി വെച്ചിരിക്കുകയാണ്.
തെരഞ്ഞെടുപ്പിൽ കെ.എസ്.യു പ്രവർത്തകർക്ക് മതിയായ പരിഗണന നൽകണമെന്ന് ആവശ്യപ്പെട്ട് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ കെപിസിസി അധ്യക്ഷന് കത്തയച്ചു. ആദ്യഘട്ട സ്ഥാനാർത്ഥി പട്ടികയിൽ കെ.എസ്.യുവിന് മതിയായ പ്രാതിനിധ്യം ലഭിച്ചിട്ടില്ലെന്ന് അലോഷ്യസ് സേവ്യർ കുറ്റപ്പെടുത്തി. “തല്ല് ചെണ്ടയ്ക്കും കാശ് മാരാർക്കും” എന്ന നയം കോൺഗ്രസ് പാർട്ടി സ്വീകരിക്കില്ലായെന്നാണ് പ്രതീക്ഷയെന്ന് അദ്ദേഹം ട്വന്റി ഫോറിനോട് പ്രതികരിച്ചു.
മുട്ടടയിലെ കോൺഗ്രസ് സ്ഥാനാർത്ഥി വൈഷ്ണയ്ക്ക് കനത്ത തിരിച്ചടിയാണ് ഉണ്ടായിരിക്കുന്നത്. വൈഷ്ണ നൽകിയ മേൽവിലാസത്തിലെ വീട്ടു നമ്പർ മറ്റൊരാളുടേതാണെന്ന് കണ്ടെത്തി. ഇതോടെ വൈഷ്ണയുടെ പേര് വോട്ടർ പട്ടികയിൽ ഉണ്ടാകാൻ സാധ്യതയില്ല.
നഗരസഭാ രേഖകൾ പ്രകാരം, വൈഷ്ണ വോട്ട് ചേർക്കാനായി നൽകിയിട്ടുള്ള ടി സി 18/564 എന്ന കെട്ടിടം റഹീം ഷാ എന്ന വ്യക്തിയുടെ ഉടമസ്ഥതയിലുള്ളതാണ്. തിരഞ്ഞെടുപ്പ് ഉദ്യോഗസ്ഥരുടെ അന്വേഷണത്തിൽ വൈഷ്ണ മുട്ടട വാർഡിൽ താമസിക്കുന്നില്ലെന്ന് ബോധ്യപ്പെട്ടു. ഈ സാഹചര്യത്തിൽ, 18/564 എന്ന കെട്ടിട നമ്പറിൽ വൈഷ്ണയുടെ വോട്ട് ചേർക്കാൻ സാധിക്കില്ലെന്ന് തിരഞ്ഞെടുപ്പ് ഉദ്യോഗസ്ഥർ തിരഞ്ഞെടുപ്പ് കമ്മീഷനെ അറിയിച്ചു.
റഹീം ഷാ നഗരസഭ അധികൃതർക്ക് നൽകിയ കത്തിൽ വൈഷ്ണയെ അറിയില്ലെന്നും, വീട് ആർക്കും വാടകയ്ക്ക് കൊടുത്തിട്ടില്ലെന്നും വ്യക്തമാക്കി. കൂടാതെ ഈ വിലാസത്തിൽ മറ്റൊരാൾക്കും വോട്ട് ചേർത്ത് നൽകാൻ അനുവദിക്കരുതെന്നും അദ്ദേഹം ആവശ്യപ്പെട്ടു. തിരഞ്ഞെടുപ്പ് ഉദ്യോഗസ്ഥർക്ക് മുൻപാകെ മുട്ടട വാർഡിൽ താമസിക്കുന്നതിനുള്ള വാടക കരാറോ, കെട്ടിടത്തിന്റെ രേഖകളോ വൈഷ്ണ ഹാജരാക്കിയിട്ടില്ല.
അതേസമയം, വൈഷ്ണയും കുടുംബവും വ്യാജ മേൽവിലാസം ഉപയോഗിച്ച് വോട്ട് ചേർത്തതായി പരാതി ഉയർന്നിട്ടുണ്ട്. മുട്ടട ബ്രാഞ്ച് കമ്മിറ്റി അംഗം ധനേഷ് കുമാറാണ് ഇതുമായി ബന്ധപ്പെട്ട് പരാതി നൽകിയിരിക്കുന്നത്. വൈഷ്ണ ലോക്സഭയിലും കള്ളവോട്ട് ചെയ്തു എന്നും, സ്ഥിരതാമസം അമ്പലമുക്കിലാണ് എന്നും പരാതിയിൽ ആരോപിക്കുന്നു.
മുട്ടട വാർഡിലെ വോട്ടർപട്ടികയിലുള്ള വീടിന്റെ ഉടമസ്ഥൻ മറ്റൊരാളാണെന്നും പരാതിയിൽ പറയുന്നു. പ്രായം കുറഞ്ഞ സ്ഥാനാർത്ഥി എന്ന രീതിയിൽ കോൺഗ്രസ് മുട്ടടയിൽ അവതരിപ്പിച്ച സ്ഥാനാർഥിയാണ് വൈഷ്ണ സുരേഷ്. ഈ ആരോപണങ്ങൾ പാർട്ടിക്കുള്ളിൽ പുതിയ വിവാദങ്ങൾക്ക് തിരികൊളുത്തിയിരിക്കുകയാണ്.
Story Highlights : KSU Against local body elections
Story Highlights: തദ്ദേശ തെരഞ്ഞെടുപ്പിലെ സ്ഥാനാർത്ഥി നിർണ്ണയത്തിൽ അതൃപ്തിയുമായി കെഎസ്യു രംഗത്ത്, മുട്ടടയിലെ കോൺഗ്രസ് സ്ഥാനാർത്ഥിക്കെതിരെ കള്ളവോട്ട് ആരോപണം.
ബിഹാർ തിരഞ്ഞെടുപ്പ് ഫലം ബിജെപിക്ക് അനുകൂലമായ സൂചന നൽകുന്നുവെന്ന് രാജീവ് ചന്ദ്രശേഖർ അഭിപ്രായപ്പെട്ടു. Read more
ബിഹാർ നിയമസഭാ തിരഞ്ഞെടുപ്പിൽ എൻഡിഎയുടെ വിജയത്തെ രമേശ് ചെന്നിത്തല വിമർശിച്ചു. തിരഞ്ഞെടുപ്പ് കമ്മീഷനാണ് Read more
ശശി തരൂരിനെതിരെ രൂക്ഷ വിമർശനവുമായി എം.എം. ഹസ്സൻ. നെഹ്റു കുടുംബത്തിൻ്റെ ഔദാര്യത്തിലാണ് തരൂർ Read more
ചങ്ങനാശ്ശേരിയിൽ എൻഡിഎ മുന്നണിയിൽ ഭിന്നത രൂക്ഷം. സീറ്റ് വിഭജനത്തിൽ ബി.ഡി.ജെ.എസ്-നെ പൂർണമായി ഒഴിവാക്കിയതിൽ Read more
ഫസൽ വധക്കേസിലെ പ്രതി കാരായി ചന്ദ്രശേഖരൻ തലശ്ശേരി നഗരസഭയിൽ എൽഡിഎഫ് സ്ഥാനാർത്ഥിയായി മത്സരിക്കുന്നു. Read more
കൊൺഗ്രസ് നേതൃത്വത്തിനെതിരെ കൊടിക്കുന്നിൽ സുരേഷ് എം.പി രംഗത്ത്. തദ്ദേശ തിരഞ്ഞെടുപ്പ് കോർ കമ്മിറ്റിയിൽ Read more
തിരുവനന്തപുരം ചെമ്പഴന്തിയിൽ സിപിഐഎം-ബിജെപി ഡീൽ ആരോപിച്ചതിനെ തുടർന്ന് ലോക്കൽ കമ്മിറ്റി അംഗം ആനി Read more
കുന്നംകുളം പൊലീസ് മർദ്ദനത്തിനിരയായ യൂത്ത് കോൺഗ്രസ് നേതാവ് വി.എസ്. സുജിത്ത് തദ്ദേശ തിരഞ്ഞെടുപ്പിൽ Read more
പി.എം. ശ്രീ പദ്ധതിയുമായി ബന്ധപ്പെട്ട ചോദ്യത്തിന് മറുപടി നൽകവേ മുഖ്യമന്ത്രി പിണറായി വിജയൻ Read more
തൃശ്ശൂരിൽ എൽഡിഎഫ് കൗൺസിലർ ഷീബ ബാബു ബിജെപിയിൽ ചേർന്നു. എൽഡിഎഫിലെ സീറ്റ് തർക്കമാണ് Read more
Related posts:
നടൻ സതീഷ് ഷാ അന്തരിച്ചു
ലൈംഗിക ആരോപണങ്ങളോട് പ്രതികരിച്ച് അജ്മൽ അമീർ: വ്യാജ പ്രചരണങ്ങൾ കരിയർ നശിപ്പിക്കില്ല
“പാതിരാത്രി” ഗംഭീര വിജയം; പ്രേക്ഷകർക്ക് നന്ദി പറഞ്ഞ് സൗബിൻ ഷാഹിർ
വിമാനത്താവളത്തിൽ ശോഭനയും ഉർവശിയും കണ്ടുമുട്ടിയപ്പോൾ: ചിത്രം വൈറൽ
കന്നഡ സിനിമയിൽ അരങ്ങേറ്റം കുറിച്ച് സുരാജ് വെഞ്ഞാറമൂട്
സൈബർ ആക്രമണത്തിൽ പ്രതികരിച്ച് അനുപമ പരമേശ്വരൻ; പരാതി നൽകി!
ധോണി ഒപ്പിട്ട റോയൽ എൻഫീൽഡ് ബൈക്ക്; വീഡിയോ വൈറൽ
SSMB29: പ്രിയങ്ക ചോപ്രയുടെ ഫസ്റ്റ് ലുക്ക് പോസ്റ്റർ പുറത്തിറങ്ങി
