കെഎസ്ആർടിസിയിലെ ഈ ഓണക്കാലത്തെ താരം ഉഴമലയ്ക്കൽ പുതുക്കുളങ്ങര ചാരുമൂടുകാരൻ സിദ്ധാർത്ഥനാണ്. കഴിഞ്ഞ ജൂൺ 3ന് സിദ്ധാർത്ഥൻ കെഎസ്ആർടിസിയിലെ പ്രശ്നങ്ങളെല്ലാം പറഞ്ഞുകൊണ്ട് ഇന്ത്യൻ പ്രസിഡന്റിന് ഒരു അപേക്ഷ സമർപ്പിച്ചിരുന്നു. ശമ്പളവും ആനുകൂല്യവും കൃത്യമായി കിട്ടുന്നില്ല എന്നതായിരുന്നു അപേക്ഷയുടെ രത്നച്ചുരുക്കം. പ്രസിഡന്റ് ദ്രൗപതി മുർമുവിന് അയച്ച പരാതിയുടെ കോപ്പികൾ കേന്ദ്ര സർക്കാരിനും, സുപ്രീം കോർട്ട് രജിസ്ട്രാർ ജനറലിനും, കേരള സർക്കാരിനും അയച്ചിരുന്നു. ഈ അപേക്ഷ അയയ്ക്കുമ്പോൾ സിദ്ധാർത്ഥൻ അടക്കമുള്ള കെഎസ്ആർടിസിയിലെ ജീവനക്കാർക്ക് ആദ്യഗഡു ശമ്പളം മാത്രമേ ലഭിച്ചിട്ടുള്ളൂ.
എന്നാൽ, ഈ അപേക്ഷയ്ക്ക് പരിഹാരമായി ഈ ഓണക്കാലത്ത് ജീവനക്കാർക്കെല്ലാം ഒറ്റഗഡു ശമ്പളം കൈയ്യിൽ കിട്ടി എന്നതാണ് വസ്തുത. കെഎസ്ആർടിസി ജീവനക്കാരുടെ പ്രശ്നങ്ങൾ അറിയാൻ ഈ രാജ്യത്ത് ഇനി ഒരാളുമില്ല. ഇന്ത്യൻ പ്രസിഡന്റു വരെ അറിഞ്ഞിരിക്കുകയാണ്. ഇനിയുള്ള മാസങ്ങളിലെല്ലാം എങ്ങനെയെങ്കിലും മാസാദ്യം മുഴുവൻ ശമ്പളവും നൽകാനാണ് മാനേജ്മെന്റിന്റെ തീരുമാനം. ശമ്പളം ഒറ്റഗഡുവായി നൽകാൻ തീരുമാനമെടുത്തതിന്റെ ക്രെഡിറ്റ് വകുപ്പുമന്ത്രിക്കോ, സർക്കാരിനോ മാനേജ്മെന്റിനോ നൽകുന്നതിൽ അർത്ഥമില്ല.
അത് സിദ്ധാർത്ഥന്റെ അപേക്ഷയ്ക്കു തന്നെ നൽകുന്നതാണ് ഉചിതം. കാരണം, ഇത്രയും നാൾ ശമ്പളം ഗഡുക്കളായി കൊടുത്തവർ തന്നെയല്ലേ ഇക്കൂട്ടർ. അതിൽ സഹികെട്ടവരാണ് കെഎസ്ആർടിസി ജീവനക്കാർ. ഇപ്പോൾ സിദ്ധാർത്ഥൻ പ്രസിഡന്റിനും കേന്ദ്രസർക്കാരിനും, സുപ്രീം കോടതി രജിസ്ട്രാർ ജനറലിനും പരാതി അയച്ചതോടെ കാര്യങ്ങൾ കൈയ്യിൽ നിൽക്കില്ലെന്ന് ബന്ധപ്പെട്ടവർക്കു മനസ്സിലായി. കെഎസ്ആർടിസി വിഷയത്തിൽ പ്രസിഡന്റോ, സുപ്രീം കോടതിയോ, കേന്ദ്രസർക്കാരോ അഭിപ്രായം പറഞ്ഞാൽ അത്, കേരള സർക്കാരിന് വലിയ പേരുദോഷമാകും.
അതിനു മറുപടി പറേണ്ടി വരും. സർക്കാരിന്റെ മറുപടി, കെഎസ്ആർടിസി ലാഭകരമായി നടത്താനാവുന്നില്ല എന്നാണെങ്കിൽ കെഎസ്ആർടിസി പൂർണ്ണമായും സ്വകാര്യ വത്ക്കരിക്കേണ്ടി വരും. ഇതും സംസ്ഥാന സർക്കാരിന് ക്ഷീണമുണ്ടാക്കും. ഈ സാഹചര്യത്തിലാണ് മുഴുവൻ ശമ്പളവും ഏതു വിധേനയും എല്ലാ മാസവും മുടക്കമില്ലാതെ നൽകുമെന്ന പ്രഖ്യാപനം നടത്താൻ നിർബന്ധിതരായി മാറിയത്. ഇതാണ് വസ്തുത.
മറ്റെല്ലാ ന്യായങ്ങളും വരട്ടു തത്വങ്ങൾ മാത്രമാണ്. സിദ്ധാർത്ഥന്റെ പരാതിയിൻമേൽ എടുത്ത നടപടി അല്ലായിരുന്നുവെങ്കിൽ മാസങ്ങൾക്കു മുമ്പു തന്നെ ജീവനക്കാർക്ക് ഒറ്റത്തവണയായി ശമ്പളം നൽകാൻ സർക്കാരിനോ മാനേജ്മെന്റിനോ കഴിയുമായിരുന്നു. പക്ഷെ, അതുണ്ടായില്ല. ഇവിടെയാണ് സിദ്ധാർത്ഥന്റെ പരാതിയുടെ പ്രസക്തി വർദ്ധിക്കുന്നത്.
Story Highlights: KSRTC employee Siddharthan’s complaint to President leads to one-time salary distribution for Onam
പി.എം ശ്രീ പദ്ധതിയുമായി ബന്ധപ്പെട്ട് സി.പി.ഐ.എം പോളിറ്റ് ബ്യൂറോ യോഗത്തിൽ കേരള ഘടകത്തിനെതിരെ Read more
കേരള സ്റ്റേറ്റ് റിസോഴ്സ് സെന്റർ കമ്മ്യൂണിറ്റി കോളേജ് 2026 ജനുവരി സെഷനിലേക്കുള്ള പ്രവേശനത്തിനായി Read more
കൊല്ലത്ത് നിന്ന് മത്സ്യബന്ധനത്തിന് പോയ തൊഴിലാളികൾക്ക് നേരെ തമിഴ്നാട് തീരത്ത് ആക്രമണം. കന്യാകുമാരി Read more
മുഖ്യമന്ത്രി പിണറായി വിജയൻ അബുദാബി കിരീടാവകാശി ശൈഖ് ഖാലിദ് ബിൻ മുഹമ്മദ് ബിൻ Read more
അങ്കമാലി നഗരസഭയിൽ സിസിടിവി ക്യാമറ പദ്ധതി ആരംഭിച്ചു. 50 ലക്ഷം രൂപ ചെലവിൽ Read more
യുഎഇ വിദേശ വ്യാപാര മന്ത്രി താനി ബിൻ അഹമ്മദ് അൽ സെയൂദി മുഖ്യമന്ത്രി Read more
കേരളത്തെ യുഎഇ സഹിഷ്ണുതാകാര്യ മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ Read more
കഴിഞ്ഞ അഞ്ചുവർഷത്തിനിടെ കേരളത്തിൽ കൊതുക്ജന്യ രോഗങ്ങൾ ബാധിച്ച് 513 പേർ മരിച്ചു. ഇതിൽ Read more
തമിഴ്നാട്, കർണാടക സംസ്ഥാനങ്ങളുടെ നികുതി പിരിവിൽ പ്രതിഷേധിച്ചു അന്തർ സംസ്ഥാന ടൂറിസ്റ്റ് ബസുകൾ Read more
കോട്ടയം കുറിച്ചിയിൽ 80 വയസ്സുകാരിയുടെ വീട്ടിൽ പട്ടാപ്പകൽ കവർച്ച. വീട്ടുകാർ പള്ളിയിൽ പോയ Read more
