കോട്ടയം പതിനെട്ടാം മൈലിൽ അപകടകരമായ രീതിയിൽ ബസ് ഓടിച്ച കെഎസ്ആർടിസി ഡ്രൈവർക്കെതിരെ പൊലീസ് സ്വമേധയാ കേസെടുത്തു. പള്ളിക്കത്തോട് പൊലീസാണ് കേസ് രജിസ്റ്റർ ചെയ്ത് അന്വേഷണം ആരംഭിച്ചത്. അതേസമയം, വഴിയിൽ നിർത്തി യാത്രക്കാരെ ഇറക്കിയതിന് സ്വകാര്യ ബസ്സിനെതിരെയും കേസെടുത്തിട്ടുണ്ട്.
ഇന്നലെയാണ് പതിനെട്ടാം മൈലിൽ കെഎസ്ആർടിസി ബസ് അപകടകരമായ രീതിയിൽ ഓടിച്ചത്. സ്വകാര്യ ബസ്സുമായുള്ള മത്സര ഓട്ടത്തിനിടയിലായിരുന്നു ഈ സംഭവം. സ്വകാര്യ ബസ് റോഡിൽ നിർത്തി യാത്രക്കാരെ ഇറക്കുമ്പോൾ, ഇടതുവശത്തുകൂടി അമിതവേഗത്തിൽ കെഎസ്ആർടിസി ബസ് കടന്നുപോവുകയായിരുന്നു. ഒരു യുവതി അപകടത്തിൽ നിന്ന് തലനാരിഴയ്ക്കാണ് രക്ഷപ്പെട്ടത്. കോട്ടയത്തു നിന്ന് കുമളിക്ക് പോയ കെഎസ്ആർടിസി ബസാണ് ഇത്തരത്തിൽ അപകടകരമായി ഓടിച്ചത്.
സ്ഥലമുണ്ടായിട്ടും സ്വകാര്യ ബസ് യാത്രക്കാരെ ഇറക്കിയത് റോഡിൽ തന്നെ നിർത്തിയായിരുന്നു. അപകടകരമായ രീതിയിൽ കെഎസ്ആർടിസി ബസ് കടന്നുപോകുന്നതിന്റെ വീഡിയോ സാമൂഹിക മാധ്യമങ്ങളിൽ പ്രചരിച്ചിരുന്നു. കോട്ടയത്ത് ബസുകൾ തമ്മിലുള്ള മത്സരയോട്ടവും കയ്യാങ്കളിയും പതിവ് സംഭവമായി മാറിയിരിക്കുകയാണ്. സമയം മാറി ഓടിയെന്ന് ആരോപിച്ച് മറ്റൊരു ബസ് പിന്തുടർന്ന് ചില്ല് അടിച്ച് തകർത്ത സംഭവവും ഉണ്ടായി.
കോട്ടയം കോടിമതയിൽ ഇന്നലെ വൈകുന്നേരമാണ് മറ്റൊരു സംഭവം നടന്നത്. ബ്ലോക്കിൽ കിടന്ന് താമസിച്ച തണ്ടപ്ര സ്വകാര്യ ബസ് വൈകിയൊടിയതാണ് തർക്കത്തിന് കാരണമായത്. തുടർന്ന് വിജയലക്ഷ്മി ബസ് തണ്ടപ്ര ബസ്സിനെ പിന്തുടർന്ന് തടയുകയായിരുന്നു. യാത്രക്കാർ ഉള്ളപ്പോഴായിരുന്നു ഈ അപകടകരമായ ഡ്രൈവിംഗ്. വിജയലക്ഷ്മി ബസ്സിലെ ജീവനക്കാർ ബസ്സിൽ നിന്നിറങ്ങി തണ്ടപ്ര ബസ്സിന്റെ ചില്ല് തകർക്കുന്നതും സിസിടിവി ദൃശ്യങ്ങളിൽ പതിഞ്ഞിട്ടുണ്ട്. ഈ സംഭവത്തിൽ ചിങ്ങവനം പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Story Highlights: Police file case against KSRTC driver for reckless driving in Kottayam
കേരളത്തിൽ ഈ വർഷം കാൽനടയാത്രക്കാരുടെ മരണനിരക്ക് 20% വർധിച്ചു. കഴിഞ്ഞ 10 മാസത്തിനിടെ Read more
കോട്ടയം നെല്ലാപ്പാറയിൽ വിനോദയാത്രാ ബസ് അപകടത്തിൽപ്പെട്ടു. തിരുവനന്തപുരം തോന്നയ്ക്കൽ ഗവൺമെൻ്റ് ഹയർ സെക്കൻ്ററി Read more
കോട്ടയത്ത് വാറണ്ട് നിലനിൽക്കെ തിരഞ്ഞെടുപ്പിൽ മത്സരിച്ച സ്വതന്ത്ര സ്ഥാനാർത്ഥി രാഹുൽ പി. രവിയെ Read more
കെഎസ്ആർടിസിക്ക് ചരിത്രത്തിലെ ഏറ്റവും വലിയ രണ്ടാമത്തെ പ്രതിദിന ടിക്കറ്റ് വരുമാനം ലഭിച്ചു. ടിക്കറ്റിതര Read more
രാഹുൽ മാങ്കൂട്ടത്തിലിനെതിരായ പരാതിക്കാരിയെ അധിക്ഷേപിച്ച കേസിൽ രാഹുൽ ഈശ്വറിനെ കോടതിയിൽ ഹാജരാക്കി. രാഹുൽ Read more
ആലപ്പുഴ ഹരിപ്പാട് കെഎസ്ആർടിസി സൂപ്പർഫാസ്റ്റ് ബസ്സും ബൈക്കും കൂട്ടിയിടിച്ച് രണ്ട് യുവാക്കൾ മരിച്ചു. Read more
കാൽനടയാത്രക്കാരുടെ സുരക്ഷയ്ക്കായി ഗതാഗത വകുപ്പ് നിയമങ്ങൾ കർശനമാക്കുന്നു. സീബ്ര ലൈൻ മുറിച്ചു കടക്കുമ്പോൾ Read more
കോട്ടയം ജില്ലയിൽ ജോലി സമ്മർദ്ദം മൂലം ബിഎൽഒ ആത്മഹത്യാ ഭീഷണി മുഴക്കിയ സംഭവത്തിൽ Read more
കോട്ടയം മാണിക്കുന്നത്ത് യുവാവിനെ കുത്തിക്കൊന്ന സംഭവത്തിലെ സിസിടിവി ദൃശ്യങ്ങൾ പുറത്തുവന്നു. സംഭവത്തിൽ കോട്ടയം Read more
കോട്ടയം മുണ്ടക്കയം സ്വദേശിയായ ബിഎൽഒ ആന്റണിയാണ് ആത്മഹത്യാ ഭീഷണിയുമായി രംഗത്തെത്തിയത്. തിരഞ്ഞെടുപ്പ് കമ്മീഷനും Read more
