Kozhikode District Announces Temporary Job Openings

കോഴിക്കോട് ജില്ലയിൽ വിവിധ തസ്തികകളിലേക്ക് താൽക്കാലിക നിയമനത്തിനുള്ള അവസരം. ജില്ലയിലെ ഒരു സർക്കാർ സ്ഥാപനത്തിൽ കോപ്പി ഹോൾഡർ – കന്നഡ തസ്തികയിലേക്കാണ് ആദ്യ നിയമനം. കന്നട ഒന്നാം ഭാഷയായി പഠിച്ച എസ്. എസ്. എൽ. സിയോ തത്തുല്യ യോഗ്യതയുള്ളവർക്ക് അപേക്ഷിക്കാം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഡിപ്ലോമ ഇൻ പ്രിന്റിങ് ടെക്നോളജി, പ്രൂഫ് റീഡേഴ്സ് വർക്ക് (ലോവർ) ആന്റ് കംപോസിങ്ങിൽ (ലോവർ) കെ. ജി. ടി. ഇ/എം. ജി. ടി.

ഇ, പ്രിന്റിങ് ടെക്നോളജി ഉൾപ്പെടുന്ന വി. എച്ച്. എസ്. ഇ തുടങ്ങിയ അംഗീകൃത യോഗ്യതകളും ഡിടിപി സർട്ടിഫിക്കറ്റും അപേക്ഷകർക്ക് ഉണ്ടായിരിക്കണം. 18 നും 41 നും ഇടയിൽ പ്രായമുള്ളവർക്ക് അപേക്ഷിക്കാവുന്നതാണ്. അംഗീകൃത വയസ്സിളവ് ബാധകമാണ്.

27900-63700 രൂപയാണ് ശമ്പള സ്കെയിൽ. താൽപര്യമുള്ള ഉദ്യോഗാർത്ഥികൾ എല്ലാ അസ്സൽ സർട്ടിഫിക്കറ്റുകളുമായി അതാത് എംപ്ലോയ്മെന്റ് എക്സ്ചേഞ്ചുകളിൽ ഫെബ്രുവരി ഏഴിനകം പേര് രജിസ്റ്റർ ചെയ്യണമെന്ന് ജില്ലാ എംപ്ലോയ്മെന്റ് ഓഫീസർ അറിയിച്ചു. ഇന്ഷുറൻസ് മെഡിക്കൽ സർവീസസ് വകുപ്പിലെ കോഴിക്കോട് ജില്ലയിലെ ഇ എസ് ഐ ആശുപത്രി/ ഡിസ്പെൻസറികളിൽ അസ്സിസ്റ്റന്റ് ഇൻഷുറൻസ് മെഡിക്കൽ ഓഫീസർ (അലോപ്പതി) തസ്തികയിലേക്കും താൽക്കാലിക നിയമനം നടത്തുന്നു. ഫെബ്രുവരി അഞ്ചിന് രാവിലെ 11 മുതൽ ഉച്ചക്ക് ഒരു മണി വരെയാണ് ഇന്റർവ്യൂ. ഇൻഷുറൻസ് മെഡിക്കൽ സർവീസസ് ഉത്തരമേഖല ഡെപ്യൂട്ടി ഡയറക്ടറുടെ ഓഫീസിലാണ് (ഒന്നാം നില, സായ് ബിൽഡിംഗ്, എരഞ്ഞിക്കൽ ഭഗവതി ടെമ്പിൾ റോഡ്, മാങ്കാവ് പെട്രോൾ പമ്പിന് സമീപം) ഇന്റർവ്യൂ നടക്കുക. ജനനത്തീയതി, വിദ്യാഭ്യാസ യോഗ്യത (എംബിബിഎസ്), ടിസിഎംസി രജിസ്ട്രേഷൻ, പ്രവൃത്തിപരിചയ സർട്ടിഫിക്കറ്റ്, സമുദായ സർട്ടിഫിക്കറ്റ് എന്നിവ തെളിയിക്കുന്ന അസ്സൽ രേഖകളും പകർപ്പും സഹിതം ഡോക്ടർമാർ നേരിട്ട് ഹാജരാകണം.

കട്ടിപ്പാറ ഫ്രഷ് കട്ട് പ്ലാന്റ് തുറന്നു; സമരം ശക്തമാക്കുമെന്ന് സമരസമിതി

തെരഞ്ഞെടുക്കപ്പെടുന്നവർക്ക് പ്രതിമാസം 57525 രൂപ ശമ്പളത്തിൽ ഒരു വർഷത്തേക്കാണ് നിയമനം. പബ്ലിക് സർവ്വീസ് കമ്മിഷൻ, എംപ്ലോയ്മെന്റ് എക്സ്ചേഞ്ച് മുഖാന്തിരം നിയമനം ലഭിച്ച ഡോക്ടർമാർ ജോലിയിൽ പ്രവേശിക്കുകയാണെങ്കിൽ കരാർ അടിസ്ഥാനത്തിൽ നിയമിക്കപ്പെട്ട ഡോക്ടർമാരുടെ സേവനം അവസാനിപ്പിക്കും. തെരഞ്ഞെടുക്കപ്പെടുന്ന ഡോക്ടർമാർ ജോലിയിൽ പ്രവേശിക്കുന്നതിന് മുമ്പ് കെഎസ്ആറിലെ അപ്പൻഡിക്സ്-1 പ്രകാരമുള്ള കരാർ ഒപ്പിട്ട് നൽകേണ്ടതാണ്. ഫെബ്രുവരി അഞ്ചിന് അവധിയാണെങ്കിൽ അടുത്ത പ്രവൃത്തി ദിവസം ഇന്റർവ്യൂ നടത്തും. കൂടുതൽ വിവരങ്ങൾക്ക് 0495-2322339 എന്ന നമ്പറിൽ ബന്ധപ്പെടാവുന്നതാണ്.

Story Highlights: Temporary job openings are available in Kozhikode district for various positions, including Copy Holder and Assistant Insurance Medical Officer.

കോഴിക്കോട് കോർപ്പറേഷൻ തിരഞ്ഞെടുപ്പിൽ വി.എം. വിനു സ്ഥാനാർത്ഥി; കല്ലായിൽ മത്സരിക്കും

കോഴിക്കോട് കോർപ്പറേഷൻ: ലീഗ് സ്ഥാനാർത്ഥികളെ പ്രഖ്യാപിച്ചു, തിരുവമ്പാടിയിൽ വിമതർ എൽഡിഎഫിനൊപ്പം