Family Blames NHAI for Negligence After Kozhikode Road Death

കോഴിക്കോട് ചേവരമ്പലത്തിനടുത്ത് ദേശീയപാത നിർമ്മാണത്തിനിടെയുണ്ടായ അപകടത്തിൽ സ്വിഗ്ഗി ജീവനക്കാരനായ രഞ്ജിത്ത് മരിച്ച സംഭവത്തിൽ ദേശീയപാത അതോറിറ്റിക്കെതിരെ കുടുംബം രംഗത്തെത്തി. പതിനഞ്ച് ദിവസം മുൻപാണ് ദേശീയപാത നവീകരണത്തിന്റെ ഭാഗമായി ഉണ്ടായ കുഴിയിൽ വീണ് രഞ്ജിത്ത് മരിച്ചത്. ഈ സമയത്തിനുള്ളിൽ അധികൃതർ കുടുംബത്തെ തിരിഞ്ഞുനോക്കിയില്ലെന്നും ബാരിക്കേഡുകൾ സ്ഥാപിച്ചിരുന്നെങ്കിൽ അപകടം ഒഴിവാക്കാമായിരുന്നെന്നും കുടുംബം ആരോപിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ സംഭവത്തിൽ ദേശീയപാത അതോറിറ്റിയുടെ അനാസ്ഥയാണ് പ്രധാന കാരണമെന്ന് രഞ്ജിത്തിന്റെ ഭാര്യ പ്രിയ ട്വന്റിഫോറിനോട് പറഞ്ഞു. നാലര വയസ്സുള്ള മകളും ഭാര്യയുമടങ്ങുന്ന കുടുംബത്തിന്റെ ഏക ആശ്രയമായിരുന്നു രഞ്ജിത്ത്. സ്വന്തമായി വീടില്ലാത്ത കുടുംബത്തിന് സർക്കാരിൽ നിന്നുള്ള ധനസഹായം അത്യാവശ്യമാണെന്നും പ്രിയ പറഞ്ഞു.

ചേവരമ്പലം സംഭവത്തിൽ ആദ്യം ചേവായൂർ പൊലീസാണ് കേസ് അന്വേഷിച്ചത്. പിന്നീട് മെഡിക്കൽ കോളജ് സ്റ്റേഷനിലേക്ക് കേസ് മാറ്റി. എന്നാൽ, കേസന്വേഷണത്തിൽ പുരോഗതിയില്ലെന്നും കുടുംബം ആരോപിക്കുന്നു.

മുഖ്യമന്ത്രിക്ക് നിവേദനം നൽകിയിട്ടുണ്ടെന്നും അനുകൂല നടപടി ഉണ്ടായില്ലെങ്കിൽ നിയമനടപടികളുമായി മുന്നോട്ടുപോകുമെന്നും കുടുംബം വ്യക്തമാക്കി. ദേശീയപാത അതോറിറ്റി ഉദ്യോഗസ്ഥരുടെ അനാസ്ഥ തുടർന്നാൽ നിയമനടപടി സ്വീകരിക്കുമെന്നും രഞ്ജിത്തിന്റെ ഭാര്യ പറഞ്ഞു. ഇനിയും ഇത്തരം അപകടങ്ങൾ ആവർത്തിക്കാതിരിക്കാൻ അധികൃതർ ജാഗ്രത പാലിക്കണമെന്നും കുടുംബം ആവശ്യപ്പെടുന്നു.

പോലീസിനെതിരെ കലാപത്തിന് ആഹ്വാനം; യുഡിഎഫ് പ്രവർത്തകനെതിരെ കേസ്

Story Highlights: Renjith’s family blames NHAI for negligence after he died falling into a pit during road construction in Kozhikode.

അമ്പായത്തോട് ഫ്രഷ് കട്ട്: കലാപം നടത്തിയവരെ നിയമത്തിനു മുന്നിൽ കൊണ്ടുവരണം; സി.പി.ഐ.എം