കോട്ടയം മുണ്ടക്കയം ചോറ്റിയിൽ വാടക വീട് കേന്ദ്രീകരിച്ച് നടന്ന ലഹരി ഇടപാടിൽ നാലു പേർ കസ്റ്റഡിയിലായി. ജില്ലാ പൊലീസ് മേധാവിയുടെ സ്ക്വാഡും മുണ്ടക്കയം പൊലീസും സംയുക്തമായി നടത്തിയ പരിശോധനയിൽ 10 ഗ്രാം ഓളം എംഡിഎംഎ പിടിച്ചെടുത്തു. പിടിയിലായവരിൽ വീട്ടിൽ താമസിച്ചിരുന്ന മാതാപിതാക്കളും മകനും മറ്റൊരു യുവാവും ഉൾപ്പെടുന്നു.
വീടും പരിസരവും ദിവസങ്ങളായി പൊലീസ് നിരീക്ഷണത്തിലായിരുന്നു. 5 ഏക്കറിൽ സ്ഥിതി ചെയ്യുന്ന പുരയിടത്തിൽ നിരവധി പേർ പുറത്തു നിന്നും വന്നു പോകുന്നതായി സൂചന ലഭിച്ചതിനെ തുടർന്നാണ് നിരീക്ഷണം ശക്തമാക്കിയത്.
വീട്ടിൽ ആഭിചാരക്രിയകൾ നടന്നതിൻ്റെ സൂചനയും പൊലീസിനു ലഭിച്ചിട്ടുണ്ട്. ഇക്കാര്യങ്ങൾ അടക്കം വിശദമായി പരിശോധിച്ചു വരികയാണെന്ന് പൊലീസ് അറിയിച്ചു. ലഹരി ഇടപാടിനൊപ്പം ആഭിചാരക്രിയകളുടെ സാധ്യതയും അന്വേഷണ വിധേയമാക്കുന്നതായി അധികൃതർ വ്യക്തമാക്കി.
Story Highlights: Four arrested in Kottayam for drug dealing from rented house, police seize MDMA
