Koothattukulam Abduction: Kala Raju Levels Serious Allegations Against CPIM

കൂത്താട്ടുകുളം തട്ടിക്കൊണ്ടുപോകൽ കേസിൽ സിപിഐഎമ്മിനെതിരെ ഗുരുതര ആരോപണങ്ങളുമായി കൗൺസിലർ കലാ രാജു രംഗത്തെത്തി. ഏരിയ കമ്മിറ്റി ഓഫീസിൽ വെച്ച്, എസ്എഫ്ഐ നേതാവ് വിജയ് രഘു കത്തി ചൂണ്ടി ഭീഷണിപ്പെടുത്തിയ ശേഷമാണ് വീഡിയോ ചിത്രീകരിച്ചതെന്ന് കലാ രാജു ആരോപിച്ചു. ഏരിയ സെക്രട്ടറി പി ബി രതീഷിന്റെ സാന്നിധ്യത്തിലായിരുന്നു ഈ ഭീഷണിയെന്നും കലാ രാജു വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോലഞ്ചേരി മജിസ്ട്രേറ്റിനു മുന്നിൽ രഹസ്യമൊഴി നൽകിയതിനു ശേഷമാണ് കലാ രാജു പുതിയ ആരോപണങ്ങൾ ഉന്നയിച്ചത്. തന്റെ ജീവനു ഭീഷണിയുണ്ടെന്നും നിയമനടപടികളുമായി മുന്നോട്ടുപോകുമെന്നും കലാ രാജു വ്യക്തമാക്കി. പാർട്ടിയിൽ നിന്നും സംരക്ഷണം ലഭിക്കാത്തതിനാൽ ഇനി പാർട്ടിക്കൊപ്പം തുടരാനാവില്ലെന്ന് കലാ രാജു പറഞ്ഞു.

പാർട്ടി അംഗവും വിധവയുമായ തന്നെ 1500 ഓളം പേർ വരുന്ന സംഘം ആക്രമിച്ചപ്പോൾ പാർട്ടി എവിടെയായിരുന്നുവെന്നും അവർ ചോദിച്ചു. പുറത്തുവന്ന വീഡിയോയിൽ വാസ്തവമില്ലെന്നും മക്കളെ കൊല്ലുമെന്ന് ഭീഷണിപ്പെടുത്തിയാണ് വീഡിയോ ചിത്രീകരിച്ചതെന്നും കലാ രാജു ആരോപിച്ചു. പൊലീസിൽ വിശ്വാസമില്ലെന്നും താൻ പറഞ്ഞ ആളുകളെയല്ല അറസ്റ്റ് ചെയ്തിരിക്കുന്നതെന്നും കലാ രാജു ആരോപിച്ചു.

എം.എ. ബേബി സിപിഐഎം ജനറൽ സെക്രട്ടറി

യുഡിഎഫിന്റെ സഹായം സ്വീകരിച്ചിട്ടില്ലെന്നും ആരുടെയും ഔദാര്യം പറ്റാതെയാണ് ജീവിച്ചതെന്നും കലാ രാജു വ്യക്തമാക്കി. ജനമധ്യത്തിൽ വസ്ത്രാക്ഷേപം നടത്തി മൃഗീയമായി ഉപദ്രവിച്ചതിനെതിരെയാണ് പരാതിയെന്നും അവർ പറഞ്ഞു. യുഡിഎഫിൽ നിന്ന് ഒരു ആനുകൂല്യവും വാങ്ങിയിട്ടില്ലെന്നും കലാ രാജു കൂട്ടിച്ചേർത്തു.

Story Highlights: Kala Raju accuses CPIM of threatening her and staging the video in the Koothattukulam abduction case.

സിപിഐഎം ജില്ലാ സെക്രട്ടേറിയറ്റിൽ ടി.എം. സിദ്ദിഖ് തിരിച്ചെത്തി