Kollam Murder Case: Life Sentence for Accused

കൊല്ലം◾: തഴവയിൽ ഗൃഹനാഥനെ പട്ടാപ്പകൽ കുത്തിക്കൊലപ്പെടുത്തിയ കേസിൽ പ്രതിക്ക് ജീവപര്യന്തം തടവും പിഴയും വിധിച്ചു. അപവാദ പ്രചാരണം നടത്തിയെന്നാരോപിച്ച് തഴവ തെക്കുംമുറി മേക്ക് തട്ടേക്കാട് കിഴക്കേ തറയിൽ തുളസീധരനെ (64)യാണ് പ്രതി കൊലപ്പെടുത്തിയത്. കൊല്ലം ഫോർത്ത് അഡീഷണൽ സെഷൻസ് കോടതി ജഡ്ജി എസ്. സുഭാഷാണ് ശിക്ഷ വിധിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കരുനാഗപ്പള്ളി തഴവ ബി.കെ. ഭവനിൽ ഭാസ്കരന്റെ മകൻ പാക്കരൻ ഉണ്ണി എന്ന പ്രദീപിനെയാണ് (34) കോടതി ശിക്ഷിച്ചത്. വീട്ടിലെ സിറ്റൗട്ടിൽ ഇരിക്കുകയായിരുന്ന തുളസീധരനെ വീടിന് പുറത്തേക്ക് വിളിച്ചിറക്കിയാണ് പ്രതി കുത്തിക്കൊലപ്പെടുത്തിയത്. “നീ എനിക്കെതിരെ അപവാദപ്രചാരണം നടത്തുമോടാ” എന്ന് ചോദിച്ചുകൊണ്ട് കുത്തിയും വെട്ടിയുമാണ് കൊലപാതകം നടത്തിയത്.

നിരവധി ക്രിമിനൽ കേസുകളിലെ പ്രതിയാണ് പ്രദീപ്. രണ്ട് ലക്ഷം രൂപ പിഴയും പ്രതി ഒടുക്കണം. പിഴത്തുക കൊല്ലപ്പെട്ട തുളസീധരന്റെ ഭാര്യ തങ്കമണിക്ക് നൽകാനും കോടതി ഉത്തരവിട്ടു.

കരുനാഗപ്പള്ളി പോലീസ് സ്റ്റേഷൻ ഇൻസ്പെക്ടർ വി. ബിജു രജിസ്റ്റർ ചെയ്ത് അന്വേഷണം നടത്തി കുറ്റപത്രം സമർപ്പിച്ച കേസാണിത്. പിഴ ഒടുക്കിയില്ലെങ്കിൽ ഒരു വർഷം കൂടി അധിക തടവ് അനുഭവിക്കേണ്ടിവരുമെന്നും കോടതി വ്യക്തമാക്കി.

സ്കൂള് സമയമാറ്റം: ഈ അധ്യയന വർഷവും മാറ്റമില്ല, അടുത്ത വർഷം ചർച്ചകൾ നടത്തും

പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർമാരായ ജയകുമാർ കെ.കെ, നിയാസ് എ എന്നിവർ ഹാജരായി. എ.എസ്.ഐ. സാജുവാണ് പ്രോസിക്യൂഷൻ നടപടികൾ ഏകോപിപ്പിച്ചത്. ജീവപര്യന്തം തടവിന് പുറമെയാണ് പിഴയും വിധിച്ചത്.

Story Highlights: Man sentenced to life imprisonment for stabbing a homeowner to death in Kollam, Kerala.

കൊല്ലത്ത് ഭാര്യയെ കുത്തിക്കൊന്ന് ഭർത്താവ്; സംഭവം അഞ്ചാലുംമൂട് താന്നിക്കമുക്കിൽ