Two get 15 years for cannabis smuggling in Kollam

കൊല്ലം: കാറിലെ രഹസ്യ അറയിൽ കഞ്ചാവ് കടത്തിയ കേസിൽ രണ്ട് പ്രതികൾക്ക് 15 വർഷം കഠിന തടവും ഒരു ലക്ഷം രൂപ പിഴയും കൊല്ലം ഫസ്റ്റ് അഡീഷണൽ ജില്ലാ സെഷൻസ് കോടതി വിധിച്ചു. ചിതറ, വളവുപച്ച, പേഴുംമൂട് വളവിൽ ഹെബി നിവാസിൽ ഹൈബി മോൻ (44), നെയ്യാറ്റിൻകര മഞ്ഞവിളാകത്ത് കിഴക്കുംകര പുത്തൻവീട്ടിൽ ഷൈൻ (38) എന്നിവരാണ് ശിക്ഷിക്കപ്പെട്ടത്. പിഴയടച്ചില്ലെങ്കിൽ ആറുമാസം കൂടി തടവ് അനുഭവിക്കണമെന്നും കോടതി ഉത്തരവിട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2023 ഏപ്രിൽ 3-നാണ് കേസിനാസ്പദമായ സംഭവം. തിരുവനന്തപുരത്ത് നിന്ന് കാറിൽ കഞ്ചാവ് കടത്തുന്നതായി ചടയമംഗലം പോലീസ് സബ് ഇൻസ്പെക്ടർ എം. മോനിഷിന് രഹസ്യ വിവരം ലഭിച്ചു. തുടർന്ന് എം.സി റോഡിൽ നിലമേൽ ക്ഷേത്രത്തിന് സമീപം പോലീസ് വാഹന പരിശോധന നടത്തുകയായിരുന്നു. പോലീസ് നിർത്താൻ ആവശ്യപ്പെട്ടിട്ടും കാർ നിർത്താതെ പോയി.

നിർത്താതെ പോയ കാർ പോലീസ് അതിസാഹസികമായി പിന്തുടർന്ന് പിടികൂടി. കാറിന്റെ ടെയിൽ ലാമ്പിനുള്ളിലും അടിഭാഗത്തുമായി പ്രത്യേകം നിർമ്മിച്ച രഹസ്യ അറകളിലാണ് കഞ്ചാവ് ഒളിപ്പിച്ചിരുന്നത്. 26 പാക്കറ്റുകളിലായി 53.860 കിലോഗ്രാം കഞ്ചാവാണ് പിടിച്ചെടുത്തത്.

ഓഡീഷ അതിർത്തിയിൽ നിന്ന് കടത്തിക്കൊണ്ടുവന്ന കാറിൽ വ്യാജ നമ്പർ പ്ലേറ്റായിരുന്നു ഉപയോഗിച്ചിരുന്നതെന്ന് പോലീസ് കണ്ടെത്തി. പോലീസ് ഇൻസ്പെക്ടർമാരായ സുനിൽ, സുനീഷ്, എസ്.സി.പി.ഒ. സനൽകുമാർ എന്നിവരടങ്ങുന്ന സംഘമാണ് അന്വേഷണം നടത്തി കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ അഡ്വക്കേറ്റ് സിസിൻ ജി. മുണ്ടയ്ക്കൽ ഹാജരായി.

എറണാകുളത്ത് 9 കിലോ കഞ്ചാവുമായി അസം സ്വദേശി പിടിയിൽ

കഞ്ചാവ് കടത്ത് കേസിൽ കോടതി കർശന ശിക്ഷ വിധിച്ചു. കാറിലെ രഹസ്യ അറയിൽ കഞ്ചാവ് ഒളിപ്പിച്ചാണ് പ്രതികൾ കടത്താൻ ശ്രമിച്ചത്.

Story Highlights: Two individuals received a 15-year prison sentence and a fine of ₹1 lakh for smuggling cannabis in a car’s secret compartment in Kollam.

കൊല്ലത്ത് വയോധികനെ മരിച്ച നിലയിൽ കണ്ടെത്തി