Kolkata Doctor Rape and Murder: Sanjay Roy Gets Life Sentence

2024 ഓഗസ്റ്റ് ഒൻപതിന് ആർ. ജി. കർ മെഡിക്കൽ കോളേജ് ആശുപത്രിയിലെ സെമിനാർ ഹാളിൽ വെച്ചാണ് ട്രെയിനി ഡോക്ടറെ കൊല്ലപ്പെട്ട നിലയിൽ കണ്ടെത്തിയത്. ഈ ക്രൂരകൃത്യത്തിന് പിന്നാലെ, ഡോക്ടർമാരുടെ വ്യാപകമായ പ്രതിഷേധം രാജ്യമെമ്പാടും അലയടിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൊലപാതകത്തിന് പുറമെ, യുവതിയെ ലൈംഗികമായി പീഡിപ്പിച്ചതായും കണ്ടെത്തി. പ്രതിയായ സഞ്ജയ് റോയ് ആ ദിവസം രാത്രി 11 മണി മുതൽ ആശുപത്രി പരിസരത്തുണ്ടായിരുന്നുവെന്നും സിസിടിവി ദൃശ്യങ്ങൾ വ്യക്തമാക്കുന്നു. സഞ്ജയ് റോയ് ആദ്യം മദ്യപിച്ച നിലയിലായിരുന്നുവെന്നും പിന്നീട് പുറത്തു പോയി വീണ്ടും മദ്യപിച്ചെന്നും അന്വേഷണത്തിൽ തെളിഞ്ഞു. പുലർച്ചെ നാലുമണിയോടെ ആശുപത്രി കെട്ടിടത്തിനുള്ളിൽ പ്രവേശിച്ച പ്രതി, 40 മിനിറ്റിന് ശേഷം അത്യാഹിതവിഭാഗത്തിലൂടെ പുറത്തുപോകുന്നത് സിസിടിവി ദൃശ്യങ്ങളിൽ കാണാം.

സെമിനാർ ഹാളിൽ ഉറങ്ങുകയായിരുന്ന ഡോക്ടറെ ലൈംഗികമായി ആക്രമിക്കുകയും, ചെറുത്തപ്പോൾ ശ്വാസം മുട്ടിച്ചു കൊലപ്പെടുത്തുകയുമായിരുന്നുവെന്ന് പോലീസ് കണ്ടെത്തി. കൊൽക്കത്ത സീൽദായിലെ അഡീഷണൽ ജില്ലാ സെഷൻസ് കോടതിയാണ് സഞ്ജയ് റോയിയെ കുറ്റക്കാരനെന്ന് കണ്ടെത്തിയത്. കുടുംബവും സിബിഐയും വധശിക്ഷ ആവശ്യപ്പെട്ടിരുന്നെങ്കിലും, കോടതി ജീവപര്യന്തം തടവ് ശിക്ഷയാണ് വിധിച്ചത്. ഈ കേസ് അപൂർവങ്ങളിൽ അപൂർവ്വമല്ലെന്ന് കോടതി നിരീക്ഷിച്ചു.

വാടാനപ്പള്ളിയിൽ മദ്യലഹരിയിൽ യുവാവിനെ സഹപ്രവർത്തകൻ കൊലപ്പെടുത്തി

സർക്കാർ ഇരയുടെ കുടുംബത്തിന് 17 ലക്ഷം രൂപ നഷ്ടപരിഹാരം നൽകണമെന്നും കോടതി ഉത്തരവിട്ടു. നിർഭയ കേസിന് സമാനമായി പ്രതിക്ക് വധശിക്ഷ നൽകണമെന്നായിരുന്നു പ്രോസിക്യൂഷന്റെ വാദം. എന്നാൽ, കേസ് അപൂർവങ്ങളിൽ അപൂർവമല്ലെന്നായിരുന്നു പ്രതിഭാഗത്തിന്റെ വാദം. തെറ്റൊന്നും ചെയ്തിട്ടില്ലെന്നും പോലീസ് തന്നെ കുടുക്കിയതാണെന്നുമായിരുന്നു സഞ്ജയ് റോയിയുടെ വാദം.

യഥാർഥ പ്രതികൾ കാണാമറയത്താണെന്നും പ്രതിഭാഗം വാദിച്ചു.

Story Highlights: Sanjay Roy sentenced to life imprisonment for the rape and murder of a young doctor at RG Kar Medical College Hospital in Kolkata.

ഭാര്യയും കാമുകനും ചേർന്ന് യുവാവിനെ കൊലപ്പെടുത്തി; പാമ്പുകടിയെന്ന് വരുത്തിത്തീർക്കാൻ ശ്രമം