Kodiyeri Balakrishnan's 2nd Death Anniversary: CPI(M) Pays Tribute

കോടിയേരി ബാലകൃഷ്ണന്റെ രണ്ടാം ചരമവാർഷികം ആചരിക്കുകയാണ് സിപിഐഎം. സിപിഐഎം മുൻ സംസ്ഥാന സെക്രട്ടറിയും ആഭ്യന്തര മന്ത്രിയുമായിരുന്ന കോടിയേരിയുടെ അഭാവം സൃഷ്ടിച്ച ശൂന്യത ഇനിയും മറികടക്കാൻ കുടുംബത്തിനും പാർട്ടിക്കും കഴിഞ്ഞിട്ടില്ല. രാഷ്ട്രീയ പ്രതിസന്ധികൾ സിപിഐഎമ്മിനെ അടിമുടി ഉലയ്ക്കുമ്പോൾ കോടിയേരിയുടെ രാഷ്ട്രീയ പ്രസക്തി ഓർമ്മകളിൽ നിറയുന്നു. കർക്കശ്യങ്ങളുടെ ഭാരമില്ലാതെ ജനഹൃദയങ്ങളിലേക്ക് ഇറങ്ങിയ നയതന്ത്രജ്ഞതയുടെയും സമവായത്തിന്റെയും കമ്മ്യൂണിസ്റ്റ് മുഖമായിരുന്നു കോടിയേരി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാർട്ടിക്കും സർക്കാരിനും ഇടയിലെ പാലമായും, അവലാതികൾക്കിടയിലെ മധ്യസ്ഥനായും അദ്ദേഹം പ്രവർത്തിച്ചു. വെല്ലുവിളികളെ സൗമ്യമായി നേരിട്ട, ചിരി കൊടിയടയാളമാക്കിയ കോടിയേരിക്കാലം അണികളും അനുഭാവികളും സഹയാത്രികരും ഓർമ്മിക്കുന്നു. കോടിയേരിയുടെ സ്മരണ പുതുക്കാൻ സംസ്ഥാന വ്യാപകമായി പരിപാടികൾ സംഘടിപ്പിച്ചിട്ടുണ്ട്. കണ്ണൂരിൽ പയ്യാമ്പലത്തെ സ്മൃതിമണ്ഡപത്തിൽ രാവിലെ 8.

30ന് പുഷ്പാർച്ചന നടക്കും. പൊളിറ്റ്ബ്യൂറോ അംഗം ബൃന്ദ കാരാട്ടും സംസ്ഥാന സെക്രട്ടറി എം. വി. ഗോവിന്ദനും പങ്കെടുക്കും.

പകൽ 11. 30ന് കോടിയേരി മുളിയിൽനടയിലെ വീട്ടിൽ കോടിയേരിയുടെ വെങ്കല പ്രതിമ മുഖ്യമന്ത്രി പിണറായി വിജയൻ അനാച്ഛാദനം ചെയ്യും. വൈകിട്ട് 4. 30ന് മുളിയിൽനടയിൽ നടക്കുന്ന പൊതുസമ്മേളനം ബൃന്ദ കാരാട്ട് ഉദ്ഘാടനം ചെയ്യും.

മാസപ്പടി കേസ്: വീണാ വിജയനെതിരെ കുറ്റപത്രം; മുഖ്യമന്ത്രി രാജിവയ്ക്കണമെന്ന് ഷോൺ ജോർജ്

Story Highlights: Second death anniversary of Kodiyeri Balakrishnan, CPI(M) leader and former Kerala Home Minister

സിപിഐഎം നേതാവ് എസ് രാജേന്ദ്രൻ എൻഡിഎയിലേക്ക്?